Tirupati Tyres Share Price | मागील काही दिवसांपासून भारतीय शेअर बाजारात जबरदस्त उलाढाल पाहायला मिळत आहे. याकाळात अनेक कंपन्यांच्या शेअर्सनी आपल्या गुंतवणूकदारांना भरघोस नफा कमावून दिला आहे. असाच एक मल्टीबॅगर शेअर म्हणजे तिरुपती टायर्स. तिरुपती टायर्स कंपनीच्या शेअर्सने मागील 3 वर्षांत आपल्या गुंतवणूकदारांना 2,100 टक्के नफा कमावून दिला आहे. आता ही कंपनी आपले शेअर्स विभाजन करणार आहे.
सेबीला दिलेल्या माहितीत कंपनीने कळवले आहे गुरुवार दिनांक 27 जुलै 2023 रोजी कंपनीच्या संचालक मंडळाची बैठक आयोजित करण्यात आली आहे. या बैठकीत संचालक मंडळ विविध प्रस्तावांवर चर्चा करून स्टॉक स्प्लिटचा निर्णय जाहीर करू शकतो. आज मंगळवार दिनांक 25 जुलै 2023 रोजी तिरुपती टायर्स कंपनीचे शेअर्स 4.99 टक्के वाढीसह 42.47 रुपये किमतीवर क्लोज झाले होते.
शेअर स्प्लिट निर्णय :
तिरुपती टायर्स कंपनीने सेबी दिलेल्या माहितीत म्हंटले आहे की, गुरूवार दिनांक 27 जुलै 2023 रोजी संचालक मंडळाच्या बैठकीत स्टॉक स्प्लिटबाबत निर्णय घेतला जाणार आहे. याशिवाय कंपनी आपले भाग भांडवल वाढवण्यासाठी मेमोरँडम ऑफ असोसिएशनमध्ये काही बदल करणार असून त्याबाबत संचालकांची मंजुरी घेतली जाणार आहे. तिरुपती टायर्स लिमिटेड कंपनी मुख्यतः ऑटोमोबाईल पार्ट्स बनवण्याचे काम करते. तसेच ही कंपनी सायकल, मोटरसायकल, मोपेड, स्कूटर, ऑटो रिक्षा, ट्रॅक्टर, ट्रक आणि बस इत्यादींसाठी टायर आणि ट्यूब बनवण्याचे काम देखील करते.
1 लाखावर दिला 22 लाख परतावा :
मागील 3 वर्षात तिरुपती टायर्स कंपनीच्या शेअरने आपल्या गुंतवणूकदारांना 1 लाखावर 22 लाख रुपये परतावा कमावून दिला आहे. शुक्रवारी दिनांक 22 जुलै 2022 रोजी तिरुपती टायर्स कंपनीचे शेअर्स 1.10 टक्क्यांच्या वाढीसह 38.50 रुपये किमतीवर क्लोज झाले होते. तर 21 जुलै 2020 रोजी या कंपनीचे शेअर्स 1.71 रुपये किमतीवर ट्रेड करत होते. मागील 3 वर्षांत तिरुपती टायर्स कंपनीच्या शेअरने आपल्या गुंतवणूकदारांना तब्बल 2,150 टक्के नफा लावून दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
