UCO Bank Share Price | युको बँक या सरकारी मालकीच्या बँकेने आपले डिसेंबर 2022 च्या तिमाहीचे निकाल घोषित केले आहेत. युको बँकेच्या नफ्यात दुप्पट वाढ झाली असून बँकेने तिमाहीत 653 कोटी रुपये नफा कमावला होता. बँकेच्या व्याज उत्पन्नात वाढ झाली असून आणि बुडीत कर्जाच्या प्रमाणत घट झाली आहे, याचा सकारात्मक परिणाम बँकेच्या तिमाही निकलात पाहायला मिळत आहे. मागील आर्थिक वर्षाच्या डिसेंबर तिमाहीत युको बँकेने 310 कोटी रुपये नफा कमावला होता या सरकारी मालकीच्या बँकेने मागील 6 महिन्यांत आपल्या गुंतवणूकदारांना अप्रतिम कमाई करून दिली आहे. (Stock Market LIVE, Share Market LIVE, BSE – NSE LIVE, Nifty 50 LIVE, Sensex LIVE, SGX Nifty live, UCO Bank Share Price | UCO Bank Stock Price | BSE 532505 | NSE UCOBANK)
UCO बँकेच्या उत्पन्नात वाढ :
2022-23 या चालू आर्थिक वर्षाच्या ऑक्टोबर-डिसेंबर तिमाहीमध्ये युको बँकेने 5,451 कोटी रुपये कमाई केली आहे. गेल्या वर्षी युको बँकेची कमाई 4,638 कोटी रुपये होती. डिसेंबर 2022 या तिमाहीमध्ये UCO बँकेने व्याजाची वसूली करून 4,627 कोटी रुपये कमावले आहे. मागील वर्षी याच तिमाहीत युको बँकेने 3,919 कोटी रुपये व्याज उत्पन्न कमावला होता.
6 महिन्यांत 160 टक्के परतावा :
युको बँकेच्या शेअर्सने मागील 6 महिन्यांत आपल्या गुंतवणुकदारांना 161 टक्के परतावा कमावून दिला आहे. 25 जुलै 2022 रोजी युको बँकेचे शेअर्स BSE निर्देशांकावर 11.30 रुपये किमतीवर ट्रेड करत होते. 24 जानेवारी 2023 रोजी युको बँकेचे शेअर्स 29.45 रुपये किमतीवर क्लोज झाले होते. बुधवार दिनांक 25 जानेवारी 2023 रोजी युको बँकेचे शेअर्स 1.70 टक्के वाढीसह 29.75 रुपये किमतीवर ट्रेड करत आहेत. युको बँकेच्या शेअर्सची 52 आठवड्यांची उच्चांक किंमत पातळी 38.15 रुपये होती. तर 52 आठवड्यांची नीचांक किंमत पातळी 10.52 रुपये होती.
बँकेची आर्थिक कामगिरी :
डिसेंबर तिमाहीत युको बँकेचे NPA प्रमाण 1.66 टक्के नोंदवले गेले होते. डिसेंबर 2022 च्या तिमाहीमध्ये युको बँकेचे NPA प्रमाण म्हणजेच एकूण नॉन – परफॉर्मिंग असेट प्रमाण 5.63 टक्के पर्यंत खाली आले आहे. मागील वर्षी युको बँकेचे NPA प्रमाण 8 टक्के होते. त्याच वेळी युको बँकेच्या नेट नॉन परफॉर्मिंग अॅसेटचे प्रमाण 1.66 टक्के आहे जे मागील वर्षी 2.81 टक्के होते. युको बँकेने चालू आर्थिक वर्षाच्या डिसेंबर तिमाहीमध्ये बुडीत कर्जासाठीच्च्या तरतुदीसाठी जारी केलेली रक्कम 565 कोटींवरून कमी होऊन 220 कोटींवर आली आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
