Vibhor Steel Tubes IPO | आला रे आला स्वस्त IPO आला, पहिल्याच दिवशी कमीतकमी 86 टक्के परतावा मिळेल

Vibhor Steel Tubes IPO | सध्या जर तुम्ही IPO मध्ये गुंतवणूक करून आपले पैसे वाढवू इच्छित असाल तर तुमच्यासाठी एक आनंदाची बातमी आली आहे. या आठवड्यात विभोर स्टील ट्यूब्स लिमिटेड कंपनीचा IPO गुंतवणुकीसाठी खुला होणार आहे. या कंपनीचा IPO 13 फेब्रुवारी ते 15 फेब्रुवारी दरम्यान गुंतवणुकीसाठी खुला असेल. कंपनीने आपल्या IPO मध्ये शेअर्सची किंमत बँड 141-151 रुपये प्रति शेअर निश्चित केली आहे.

या कंपनीच्या IPO चा आकार 72 कोटी रुपये असेल. विभोर स्टील ट्यूब्स लिमिटेड कंपनी आपल्या IPO मध्ये फ्रेश इक्विटी शेअर्स इश्यू करणार आहे. यापैकी 50 टक्के कोटा पात्र संस्थात्मक खरेदीदारांसाठी राखीव असेल. तर 35 टक्के कोटा किरकोळ गुंतवणूकदारांसाठी राखीव असेल. आणि उर्वरित 15 टक्के कोटा गैर-संस्थात्मक गुंतवणूकदारांसाठी राखीव ठेवण्यात आला आहे.

ग्रे मार्केटचा आढावा घेणाऱ्या तज्ज्ञांच्या मते, विभोर स्टील ट्यूब्स लिमिटेड कंपनीचे आयपीओ शेअर्स ग्रे मार्केटमध्ये 130 रुपये प्रीमियम किमतीवर ट्रेड करत आहेत. जर हा स्टॉक 151 रुपये अप्पर प्राइस बँडनुसार वाटप करण्यात आला तर, कंपनीचे शेअर्स 281 रुपये किमतीवर सूचीबद्ध होऊ शकतात. म्हणजेच ज्या लोकांना या कंपनीचे शेअर्स वाटप केले जातील, त्यांना स्टॉक लिस्टिंगच्या पहिल्याच दिवशी 86.09 टक्के नफा मिळेल. या कंपनीचे शेअर्स 20 फेब्रुवारी रोजी शेअर बाजारात सूचीबद्ध केले जातील.

विभोर स्टील ट्यूब्स ही कंपनी मुख्यतः सॉफ्ट स्टील ERW ब्लॅक आणि गॅल्वनाइज्ड पाईप्स, पोकळ स्टील पाईप्स, कोल्ड रोल्ड स्टील स्ट्रिप्सचे उत्पादन आणि निर्यात करण्याचा व्यवसाय करते. विभोर स्टील ट्यूब्स लिमिटेड ही कंपनी माईल्ड स्टील, कार्बन स्टील ERW ब्लॅक आणि गॅल्वनाइज्ड पाईप्स, होलो स्टील पाईप्स आणि कोल्ड रोल्ड स्टील स्ट्रिप्स आणि कॉइल बनवण्याचा तसेच त्यांची जगभरात निर्यात करण्याचा व्यवसाय करते.

1 एप्रिल 2023 रोजी विभोर स्टील ट्यूब्स कंपनीने भारतातील दिग्गज जिंदाल पाईप्स कंपनीसोबत कराराचे नूतनीकरण केले होते. या करारा अंतर्गत जिंदाल स्टार ब्रँड अंतर्गत तयार वस्तूंचे उत्पादन आणि जिंदाल पाईप्स यांचा ग्राहकांना पुरवठा केला जातो. विभोर स्टील ट्यूब्स लिमिटेड कंपनीच्या प्रवर्तक गटात मेसर्स विजय कौशिक HUF, विभोर कौशिक, विजय लक्ष्मी कौशिक आणि विजय कौशिक सामील आहेत. विभोर स्टील ट्यूब्स लिमिटेड कंपनीच्या प्रवर्तकांनी या कंपनीचे एकूण 1,32,46,500 इक्विटी शेअर्स होल्ड केले आहेत.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Vibhor Steel Tubes IPO GMP IPO 13 February 2024.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.