Vodafone Idea Share Price | भारतातील प्रसिद्ध टेलिकॉम कंपनी व्होडाफोन आयडिया लिमिटेड कंपनीचा शेअर गुरुवारी (NSE: IDEA) फोकसमध्ये आलं आहे. गुरुवार दिनांक 10 ऑक्टोबर 2024 रोजी हा शेअर 0.54 टक्के वाढून 9.24 रुपयांवर ट्रेड करत होता. दरम्यान, गेल्या सत्रात व्होडाफोन आयडिया लिमिटेड कंपनीच्या स्टॉकने ९.५५ रुपयांचा उच्चांक गाठला होता. दुसरीकडे इंट्राडेचा नीचांकी स्तर ९.०४ रुपये होता. व्होडाफोन आयडिया शेअरचा ५२ आठवड्यांतील उच्चांकी स्तर 19.18 रुपये आणि ५२ आठवड्यांचा नीचांकी स्तर 8.90 रुपये होता. (व्होडाफोन आयडिया लिमिटेड कंपनी अंश)
ब्रोकरेज फर्म जेपी मॉर्गन – रेटिंग अपडेट
प्रसिद्ध जेपी मॉर्गन ब्रोकरेज फर्मने व्होडाफोन आयडिया लिमिटेड या टेलीकॉम कंपनीच्या शेअर्सची रेटिंग अपडेट केली आहे. आता या शेअरला “अंडरवेट” रेटिंगवरून “न्यूट्रल” रेटिंग देण्यात आली आहे. तसेच या पेनी शेअरची टार्गेट प्राईस ७ रुपयांवरून १० रुपयांपर्यंत वाढवली आहे. विशेष म्हणजे अपडेटेड टार्गेट प्राईस सुद्धा कंपनीच्या 11 रुपयांच्या FPO प्राईसपेक्षा कमी आहे.
तज्ज्ञांनी काय म्हटले
दरम्यान, व्होडाफोन आयडिया लिमिटेड कंपनी २०२६ आणि २०२७ या आर्थिक वर्षात थकबाकी भरण्यास सक्षम असेल, परंतु २०२८ या आर्थिक वर्षात ती कमी पडेल, असे जेपी मॉर्गन ब्रोकरेज फर्मने नोट मध्ये म्हटले आहे. व्होडाफोन आयडिया लिमिटेड कंपनीच्या शेअरवर कव्हरेज असलेल्या २२ विश्लेषकांपैकी १४ विश्लेषकांनी शेअरवर ‘SELL’ रेटिंग दिली आहे, तर प्रत्येकी चार विश्लेषकांनी शेअरवर ‘BUY’ आणि ‘HOLD’ रेटिंगची शिफारस केली आहे.
शेअर प्राईस FPO किमतीच्या खाली घसरले
दरम्यान, एजीआर थकबाकीसंदर्भात दूरसंचार कंपन्यांनी दाखल केलेली क्युरेटिव्ह याचिका सुप्रीम कोर्टाने फेटाळल्यानंतर व्होडाफोन आयडिया लिमिटेड कंपनीचे शेअर्स त्यांच्या एफपीओ किमतीच्या खाली घसरले होते. व्होडाफोन आयडिया लिमिटेड कंपनीची सध्याची एजीआर थकबाकी ७०,३०० कोटी रुपयांहून अधिक आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
