Zomato Share Price | गेल्या काही दिवसांपासून झोमॅटोच्या शेअरमध्ये सातत्याने घसरण पाहायला मिळत होती. आज, सोमवारी झोमॅटोच्या शेअरने मोडण्याचे सर्व विक्रम मोडीत काढले. एनएसईवर हा शेअर 11.09 टक्क्यांनी घसरून 47.70 रुपयांवर बंद झाला. दिवसभराच्या व्यवहारात कंपनीचे शेअर १४% पर्यंत घसरले होते आणि ४६ रुपयांच्या आतापर्यंतच्या नीचांकी पातळीवर पोहोचले होते.
शेअर जुलै 2021 मध्ये लिस्ट झाला होता :
झोमॅटो स्टॉक गेल्या वर्षी 23 जुलै 2021 रोजी शेअर बाजारात लिस्ट झाला होता. कंपनीची आयपीओ किंमत ७६ रुपये होती. बीएसईवर ५१ टक्के प्रीमियमसह हा शेअर ११५ रुपयांवर सूचीबद्ध होता. बीएसईवर शेअरची किंमत १६९ रुपयांच्या आतापर्यंतच्या उच्चांकी पातळीवर पोहोचली होती. म्हणजेच सध्याच्या किमतीनुसार हा शेअर त्याच्या आतापर्यंतच्या उच्चांकी पातळीवरून ७२ टक्क्यांहून अधिक तुटला आहे. त्यावेळी कंपनीचे मार्केट कॅप 1 लाख कोटी रुपयांच्या पुढे गेले होते आणि आता त्याचे मार्केट कॅप 37,439.23 कोटी रुपयांवर आले आहे. म्हणजेच गुंतवणूकदारांचे सुमारे ९६ हजार कोटी रुपयांचे नुकसान झाले.
शेअर कोसळण्याचे कारण काय :
कंपनीच्या प्री-आयपीओ शेअर्समधील लॉक-इन कालावधी संपला आहे. त्यामुळेच आज या शेअरमध्ये मोठी घसरण पाहायला मिळाली. तर दुसरीकडे झोमाटो आणि ब्लिंकेटचा व्यवहार गुंतवणूकदारांना आवडला नाही. हा करार झाल्यापासून शेअर्समध्ये बहुतांशी घसरण पाहायला मिळाली आहे. ‘आयआयएफएल सिक्युरिटी’च्या तज्ज्ञांनी या शेअरपासून दूर राहण्याचा सल्ला दिला असून, तो विकण्यास सांगितले आहे. याच्या विक्रीचे लक्ष्य ३८ रुपये आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
