Gold Price Today | सततच्या तेजीनंतर आज सोन्या-चांदीचे दर घसरल्याचं पाहायला मिळतंय. मल्टी कमॉडिटी एक्सचेंजवर एमसीएक्सवर सोन्याचा भाव आज 54 हजारांच्या खाली घसरला आहे. त्याचबरोबर चांदीचे दरही 66,100 रुपये प्रति किलोच्या पातळीवर ट्रेड करत आहेत. तुम्हीही सोन्याचे दागिने किंवा सोन्यात गुंतवणूक करण्याचा विचार करत असाल तर अशावेळी चांगली संधी आहे. पुढील वर्षापर्यंत सोन्याचे दर 61 हजार रुपयांच्या पातळीवर पोहोचतील, असा जाणकारांचा होरा आहे.
सोने-चांदी किती स्वस्त
मल्टी कमॉडिटी एक्सचेंजवर सकाळी 10 वाजता सोन्याचे दर 0.03 टक्क्यांनी घसरून 53,993 रुपये प्रति 10 ग्रॅम झाले. त्याचबरोबर चांदीचा भाव 0.19 टक्क्यांच्या घसरणीसह 66,144 रुपये प्रति किलोच्या पातळीवर ट्रेड करत आहे.
2023 मध्ये सोन्याच्या किंमती झपाट्याने वाढतील
२०२३ या वर्षात सोन्याच्या किंमती झपाट्याने वाढतील, असा तज्ज्ञांचा होरा आहे. पुढील वर्षापर्यंत सोन्याचा भाव ६० हजार ते ६१ हजार रुपये प्रति १० ग्रॅमच्या पातळीला स्पर्श करू शकतो.
सोन्या-चांदीचे भविष्य कसे दिसते?
एमके वेल्थ मॅनेजमेंटच्या मते फेडरल रिझर्व्ह सध्या व्याजदर कमी करणार नाही. अमेरिकेतील महागाई ८ टक्के आहे. त्यामुळे फेडरल रिझर्व्ह व्याजदरात आणखी वाढ करणार आहे. केवळ फेडच नव्हे, तर इतर देशांच्या मध्यवर्ती बँकाही हाच मार्ग अवलंबतील, ज्यामुळे सोन्याला नवी उंची गाठणे कठीण होईल. एम्के यांच्या मते, विविध देशांच्या मध्यवर्ती बँकांनी व्याजदर कमी केले तर ते सोन्यासाठी चांगले होईल, पण नजीकच्या काळात तसे होताना दिसत नाही. फेडरल रिझर्व्हची यंदाची शेवटची बैठक १३-१४ डिसेंबरला होणार आहे.
अ ॅपवरून अचूकता तपासू शकता
जर तुमच्याकडेही सोनं खरेदी करण्याचा प्लॅन असेल तर त्याआधी हॉलमार्किंग चेक करा. याशिवाय तुम्ही अॅपच्या माध्यमातून सोन्याच्या शुद्धतेविषयी जाणून घेऊ शकता. बीआयएस केअर अॅपच्या माध्यमातून तुम्ही खरं सोनं खरेदी करत आहात की बनावट हे जाणून घेऊ शकता.
अमेरिकी बाजार तेजीत
आंतरराष्ट्रीय बाजाराबाबत बोलायचे झाले तर येथे सोन्याचे दर वाढतच आहेत. अमेरिकी बाजारात सोने 0.66 टक्क्यांनी वधारुन 1,782.7 डॉलर प्रति औंसवर ट्रेड करत आहे. त्याचबरोबर चांदी 1.89 टक्के वाढीसह 22.16 च्या पातळीवर आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
