Gold Price Today | जर तुम्ही सोनं खरेदी करण्याचा विचार करत असाल तर तुमच्यासाठी चांगला काळ सुरू झाला आहे. गेल्या आठवडाभरात सोन्याच्या दरात मोठी घसरण झाली आहे. त्याचबरोबर चांदीच्या दरातही घसरण झाली आहे. देशांतर्गत बाजारात सोन्याच्या दरात 1100 रुपयांनी तर चांदीच्या दरात 1500 रुपयांची घसरण झाली आहे. यासह सोने 60200 रुपये प्रति दहा ग्रॅमवर पोहोचले आहे. तर दुसरीकडे चांदीचे दर 75500 रुपये प्रति किलो वर पोहोचली आहे.
‘या’ कारणांमुळे सोन्याचे भाव घसरले
सराफा बाजारातील जाणकारांच्या म्हणण्यानुसार, आठवडाभरापूर्वीपर्यंत सोने आणि चांदी या दोन्हींचा भाव विक्रमी पातळीवर पोहोचला होता. पण जागतिक आर्थिक मंदी, महागाई आणि डॉलर निर्देशांकाचा परिणाम दोघांच्या मागणीवर झाला. त्यामुळे मागणी घटल्याने सोने आणि चांदी या दोन्हीच्या दरात घसरण झाली आहे. दर कपातीचा हा कालावधी तात्पुरता असून लवकरच त्यांच्या किमती पुन्हा वाढताना दिसतील. अशा तऱ्हेने सोने-चांदी खरेदीचा विचार करणाऱ्यांसाठी ही सुवर्णसंधी आहे.
सोन्याचे दर कमी होतील का?
त्याचबरोबर सोन्याचा भाव आणखी कमी होऊ शकतो, असे अनेक तज्ज्ञ सांगत आहेत. रॉयटर्सच्या रिपोर्टनुसार, अमेरिकन फेडरल रिझर्व्ह बँक मे मध्ये बैठक घेऊन व्याजदरात पुन्हा 25 बेसिस पॉईंटची वाढ करू शकते. याचा अर्थ कर्जदारांना जास्त व्याज दर द्यावा लागेल, ज्यामुळे लोकांची खरेदी क्षमता कमी होईल आणि ते सोने आणि चांदीसारख्या लक्झरी वस्तू खरेदी करू शकणार नाहीत.
आंतरराष्ट्रीय बाजारपेठेवरही परिणाम होत आहे
आंतरराष्ट्रीय बाजारात सोन्याच्या दरात मोठी घसरण झाल्याचे सराफा व्यापाऱ्यांचे म्हणणे आहे. त्यामुळे देशांतर्गत बाजारपेठेवरही परिणाम झाला आहे. आंतरराष्ट्रीय बाजारात सोन्याची किंमत 50 डॉलरने घसरली असून 2010 डॉलर प्रति औंसच्या खाली ट्रेड होत आहे. तर चांदीच्या दरातही 2 टक्क्यांची घसरण झाली असून ती 25.35 डॉलर प्रति औंस दराने खरेदी-विक्री केली जात आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
