Gold Rate Today | देशात वर्षभर सोन्याची खरेदी केली जात असली तरी काही प्रसंग असे असतात जेव्हा त्याला प्रचंड मागणी असते. उदाहरणार्थ, धनतेरसच्या निमित्ताने सोने खरेदी करणे शुभ मानले जाते. त्याचप्रमाणे अक्षय्य तृतीयेला ही सोन्याची खरेदी केली जाते. यंदा अक्षय्य तृतीयेच्या आधीच सोन्याच्या भावाने सर्व जुने विक्रम मोडले आहेत.
शेवटच्या दिवशी सोन्याचा भाव
एचडीएफसी सिक्युरिटीजने दिलेल्या माहितीनुसार, आंतरराष्ट्रीय बाजारातील तेजीच्या पार्श्वभूमीवर राष्ट्रीय राजधानी दिल्ली आणि मुंबईत गुरुवारी सोन्याचा भाव 350 रुपयांनी वाढून 67,350 रुपये प्रति 10 ग्रॅम झाला. चांदीचा भावही बुधवारी 200 रुपयांनी वधारून 77,450 रुपये प्रति किलोझाला. गुड फ्रायडे मुळे शुक्रवारी बाजार बंद होता.
आज 10 कॅरेट सोन्याचा भाव किती आहे?
10 कॅरेट म्हणजेच 41.7 टक्के शुद्ध सोन्याचा दर आज 38752 रुपयांवर आहे. कालच्या तुलनेत आज हा दर 15 रुपयांनी स्वस्त झाला आहे.
आज 14 कॅरेट सोन्याचा भाव किती आहे?
14 कॅरेट म्हणजेच 58.3 टक्के शुद्ध सोन्याचा दर आज 49682 रुपयांच्या पातळीवर आहे. कालच्या तुलनेत आज हा दर 19 रुपयांनी स्वस्त आहे.
आज 18 कॅरेट सोन्याचा भाव किती आहे?
18 कॅरेट म्हणजेच 75.0 टक्के शुद्ध सोन्याचा दर आज 60679 रुपयांच्या पातळीवर आहे. कालच्या तुलनेत आज हा दर 23 रुपयांनी स्वस्त झाला आहे.
आज 22 कॅरेट सोन्याचा भाव किती आहे?
22 कॅरेट म्हणजेच 91.7 टक्के शुद्ध सोन्याचा दर आज 65979 रुपयांवर आहे. कालच्या तुलनेत आज हा दर 24 रुपयांनी स्वस्त झाला आहे.
आज 24 कॅरेट सोन्याचा भाव किती आहे?
आज 24 कॅरेट म्हणजेच 99.9 टक्के शुद्ध सोन्याचा दर 66243 रुपयांच्या पातळीवर आहे. कालच्या तुलनेत आज हा दर 25 रुपयांनी स्वस्त आहे.
सहा महिन्यांत 11 हजारांनी वाढले भाव
गेल्या सहा महिन्यांत एमसीएक्सवर सोन्याच्या दरात प्रति दहा ग्रॅम सुमारे 11,000 रुपयांची वाढ झाली आहे. त्याचबरोबर कमॉडिटी बाजारातील तज्ज्ञांच्या मते आणखी वाढ अपेक्षित आहे. अमेरिकन फेड 2024 मध्ये व्याजदरात तीन कपात करण्याची घोषणा करण्याची शक्यता असल्याने आर्थिक वर्ष 2025 मध्ये सोन्याच्या किंमतीत वाढ होऊ शकते, असे बाजार तज्ज्ञांनी सांगितले.
किंमत 75,000 रुपयांपर्यंत जाईल
नव्या आर्थिक वर्षाच्या पहिल्या नऊ महिन्यांत किंवा समजा पहिल्या तीन तिमाहीत अमेरिकन फेड तीन वेळा व्याजदरात कपात करू शकते, असा अंदाज आहे. याशिवाय जागतिक राजकीय तणाव, अमेरिकी महागाईत झालेली घट आणि अमेरिकन डॉलरची कामगिरी याचा परिणाम सोन्याच्या किमतींवर होण्याची शक्यता आहे. एमसीएक्सवर सोन्याचा भाव पुढील आर्थिक वर्षात 75,000 रुपये प्रति 10 ग्रॅमपर्यंत वाढण्याची शक्यता आहे.
आर्थिक वर्ष 2024 मध्ये सोन्याच्या भाववाढीवर बोलताना एसएस वेल्थस्ट्रीटच्या संस्थापक सुगंधा सचदेवा म्हणाल्या, “सोन्याच्या किंमतीत प्रचंड वाढ झाली आहे. चालू आर्थिक वर्षाच्या शेवटच्या दोन तिमाहीत त्यात प्रति दहा ग्रॅम 11,000 रुपयांपेक्षा जास्त वाढ झाली आहे. यामुळे गुंतवणूकदार आकर्षित झाले आहेत. हा तेजीचा कल कायम राहण्याची शक्यता आहे. पुढील आर्थिक वर्षात सोने आणखी चमकणार आहे.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
