परभणी : मागील २ वर्षापूर्वी शांततेत पार पडलेले मराठा समाजाचे मोर्चे आता हिंसक वळण घेऊ लागले आहेत. मराठा समाजाच्या आक्रमक कार्यकर्त्यांनी गंगाखेडमध्ये ४ खासगी गाड्या, ५ बसेस आणि पोलिसांची व्हॅन जाळली आहे.
मराठा क्रांती मोर्चा आता खूपच आक्रमक होऊ लागल्याचे राज्यभर दिसू लागले आहे. त्यामुळे सरकारच्या डोकेदुखीत मोठी वाढ होण्याची शक्यता आहे. नुकत्याच आलेल्या वृत्तानुसार गंगाखेड परिसराला सध्या दंगलीचं स्वरुप आलं आहे. त्यामुळे गंगाखेड बंदची हाक हिसंक वळणार गेली आहे.
या वृत्ताचे रिपोर्टींग करणाऱ्या दोन वार्ताहारांना सुद्धा दुखापत झाली आहे आणि त्या अनुषंगाने मोठा पोलीस फौजफाटा तैनात करण्यात आला आहे. सध्या जखमींना जवळच्या स्थानिक इस्पितळात दाखल करण्यात आलं आहे आणि प्रशासन योग्य ती खबरदारी घेत आहे अशी माहिती देण्यात आली आहे.
