Post Office Scheme | महिलांना आपली बचत मुख्यत: अशा ठिकाणी गुंतवायची असते जिथे त्यांचे पैसे पूर्णपणे सुरक्षित असतात, तसेच त्यांना चांगले व्याज मिळते. अशा परिस्थितीत महिला सन्मान बचत प्रमाणपत्र (एमएसएससी) त्यांच्यासाठी चांगले ठरू शकते. ही एक ठेव योजना आहे, ज्यावर 7.5% दराने व्याज मिळत आहे. या योजनेत महिला दोन वर्षांसाठी पैसे जमा करू शकतात. जाणून घ्या 50,000, 100000, 150000 आणि 200000 रुपयांची गुंतवणूक केल्यास तुम्हाला किती परतावा मिळेल.
2,00,000 रुपयांच्या गुंतवणुकीवर किती परतावा मिळतो?
एमएसएससी कॅल्क्युलेटरनुसार जर तुम्ही या योजनेत 2,00,000 रुपये गुंतवले तर 7.5% व्याजानुसार दोन वर्षांनंतर तुम्हाला गुंतवलेल्या रकमेवर व्याज म्हणून 32,044 रुपये मिळतील. अशा प्रकारे मॅच्युरिटीवर तुम्हाला एकूण 2,32,044 रुपये मिळतील.
1,50,000 रुपयांच्या गुंतवणुकीवर किती परतावा मिळतो?
जर तुम्ही 1,50,000 रुपये जमा केले तर तुम्हाला दोन वर्षांनंतर 1,74,033 रुपये मिळतील म्हणजेच 24,033 रुपये तुम्हाला फक्त व्याज मिळेल.
1,00,000 रुपयांच्या गुंतवणुकीवर किती परतावा मिळतो?
जर तुम्ही यात 1,00,000 रुपये गुंतवले तर 7.5 टक्के व्याजदरानुसार तुम्हाला मॅच्युरिटीच्या वेळी 1,16,022 रुपये मिळतील.
50,000 रुपयांच्या गुंतवणुकीवर किती परतावा मिळतो?
जर तुम्ही या योजनेत 50,000 रुपये गुंतवले तर तुम्हाला दोन वर्षांत व्याज म्हणून 8011 रुपये मिळतील आणि अशा प्रकारे मॅच्युरिटीवर एकूण 58,011 रुपये मिळतील.
तुम्ही येथे खाते उघडू शकता
जर तुम्हालाही महिला सन्मान बचत प्रमाणपत्र योजनेत गुंतवणूक करायची असेल तर पोस्ट ऑफिस किंवा अधिकृत बँकांमध्ये खाते उघडू शकता. कोणत्याही वयोगटातील महिला यात गुंतवणूक करू शकतात. अल्पवयीन मुलीच्या नावाने तुम्ही पालक खाते उघडू शकता. खाते उघडताना तुम्हाला आधार कार्ड, पॅन कार्ड आणि रंगीत फोटो इत्यादी केवायसी कागदपत्रांची आवश्यकता असेल.
एक वर्षानंतर अंशत: पैसे काढण्याची सुविधा
नियमाप्रमाणे महिला सन्मान बचत प्रमाणपत्र योजनेत 1 वर्ष पूर्ण झाल्यानंतर तुम्हाला अंशत: पैसे काढण्याची परवानगी मिळते. अशावेळी तुम्ही जमा केलेल्या रकमेच्या ४० टक्क्यांपर्यंत पैसे काढू शकता. म्हणजेच जर तुम्ही 2 लाख रुपये जमा केले असतील तर एका वर्षानंतर तुम्ही 80 हजार रुपये काढू शकता.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
