SCSS Interest Rate | सेवानिवृत्तीनंतर वरिष्ठ नागरिकांची बचत योजना ही गुंतवणुकीसाठी सर्वोत्तम पर्याय आहे. या योजनेत वार्षिक 8.2 टक्के उच्च व्याज मिळत आहे, तर ही योजना वयोवृद्धांसाठी नियमित उत्पन्नाची सुविधा प्रदान करते. आपल्याला सेवानिवृत्तीनंतर या योजनेत पैसे गुंतवले असल्यास, सिंगल खात्यावर कमाल १.२० लाख आणि एका घरात दोन स्वतंत्र खात्यांवर कमाल 2.40 लाख रुपये व्याज मिळवता येईल.
अशा परिस्थितीत सेवानिवृत्तीनंतर बँक एफडीच्या ऐवजी, आपण पोस्ट ऑफिसच्या सर्वाधिक व्याज देणाऱ्या लघु बचत योजनेत, म्हणजेच वरिष्ठ नागरिकांची बचत योजनेत गुंतवणुकीचा फायदाही घेऊ शकता.
उच्च व्याजदर मिळवण्याची संधी
आरबीआयद्वारे रेपो दरात दोनवेळा सलग कपात केल्यानंतर, बहुतेक बँका एफडीवर व्याज दर कमी करत आहेत. अशा परिस्थितीत, SCSS मध्ये 8.2 टक्के व्याज लॉक करण्याची ही एक उत्कृष्ट संधी आहे. या योजनेची मॅच्युरिटी 5 वर्षांची आहे, तर योजना पूर्ण होण्यापूर्वी अर्ज करून या योजनेला 3 वर्षांसाठी आणखी वाढवले जाऊ शकते. भारतामध्ये राहणारे वयोवृद्ध नागरिक या योजनेत वैयक्तिक किंवा संयुक्तपणे एकात्मिक गुंतवणूक करू शकतात आणि कर लाभासह नियमित उत्पन्न देखील मिळवू शकतात.
SCSS : व्याज आणि परतावा किती मिळेल
* कमीत कमी ठेव: 30 लाख रुपये
* व्याज दर: 8.2 टक्के वार्षिक
* मॅच्युरिटी कालावधी: 5 वर्ष
* तिमाही व्याज: 60,150 रुपये
* वार्षिक व्याज: 2,40,600 रुपये
* 5 वर्षांमध्ये एकूण व्याज: 12,03,000 रुपये
* एकूण परतावा: 42,03,000 लाख रुपये
जास्तीतजास्त किती डिपॉजिट करू शकता?
सिनियर सिटिजन सेव्हिंग्ज योजना अंतर्गत सिंगल खात्यात जास्तीत जास्त 30 लाख रुपये गुंतवणूक केली जाऊ शकते. तर या खात्यात किमान 1000 रुपये जमा करणे आवश्यक आहे. जर एकाच घरात पती आणि पत्नी असेल तर वेगवेगळे खातेही उघडता येऊ शकतात. ज्यामध्ये जास्तीत जास्त 60 लाख रुपये जमा केले जाऊ शकतात.
