23 March 2023 11:26 PM
अँप डाउनलोड
बातम्या फ्लॅश
ChatGPT Job Effect | चॅट जीपीटी'मुळे या क्षेत्रातील नोकऱ्यांना प्रचंड धोका, कोणत्या नोकऱ्या सुरक्षित? लिस्ट मध्ये तुमची नोकरी कोणती? Accenture Job Loss | आयटी क्षेत्रात भूकंप, दिग्गज कंपनी अ‍ॅक्सेन्चर 19,000 कर्मचाऱ्यांना नोकरीवरून काढणार OnePlus Nord CE 3 Lite 5G | वनप्लसचा 108 MP कॅमेरा असलेला स्वस्त Nord CE 3 Lite 5G स्मार्टफोन लाँच होणार, किंमत-फीचर्स? Hindenburg Report on Block Inc | अदानींनंतर हिंडनबर्गचा बॉम्ब या उद्योगपती फुटला, शेअर्स 20 टक्क्यांनी कोसळले Numerology Horoscope | 24 मार्च, तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल Deep Industries Share Price | या शेअरने 552 टक्के परतावा दिला, आता स्टॉक स्प्लिटची घोषणा, स्टॉक स्प्लिटचा फायदा घ्या Sera Investment Share Price | लॉटरीच लागली! गुंतवणुकदारांना 454 टक्के परतावा दिल्यानंतर आता हा शेअर स्प्लिट होतोय
x

स्वकीयांनी ताकत दिली नाही, पण पवार साहेबांनी ऊर्जा दिली: मनसे नेत्या रुपाली पाटील

NCP President Sharad Pawar, MNS leader Rupali Patil, Raj Thackeray

बारामती: पुण्यातील महाराष्ट्र नवनिर्माण सेनेच्या (मनसे) महिला नेत्या रुपाली पाटील यांनी आज (सोमवार) दिवाळी पाडव्यानिमित्त बारामतीत जाऊन राष्ट्रवादी काँग्रेसचे अध्यक्ष शरद पवार यांची भेट घेतली. बारामतीतील गोविंदबागेत आज पवार कुटुंबीय राज्यभरातून आलेल्या कार्यकर्त्यांची भेट घेत असताना मनसेच्या रुपाली पाटील यांनीही शरद पवार व अजित पवार यांची भेट घेत त्यांना शुभेच्छा दिल्या.

यावेळी रुपाली पाटील म्हणाल्या, की स्वकीयांनी ताकत दिली नसली तरी जी ऊर्जा पवार साहेबांनी दिली. ती प्रेरणादायी आहे. लेक म्हणूण त्यांचे आशीर्वाद माझ्या पाठीशी आहेत. हरता हरता जिंकता येत हे पवार यांच्याकडून शिकायला मिळालं. मी त्यांचे आशीर्वाद घेतले आहेत. यापूर्वी मी कधी बारामतीमध्ये आले नाही. आजचा उत्साह पण एक ऊर्जा मिळाली आहे.

विधानसभा निवडणुकीत रुपाली पाटील या कसबा मतदारसंघातून निवडणूक लढविण्यास इच्छुक होत्या, मात्र त्यांना तिकीट नाकारण्यात आलं आणि अजय शिंदे यांना उमेदवारी घोषित करण्यात आल्याने त्या प्रचंड नाराज होत्या. अजय शिंदे यांना तिकीट जाहीर होताच त्यांनी मुंबईला धाव घेत राज ठाकरे यांची भेट घेतली होती. मात्र, काहीच पदरी न पडल्याने त्या मागील काही दिवसांपासून नाराज असल्याचं वृत्त होतं. दरम्यान, निकालानंतर मनसेची पुण्यातील स्थिती बिघडली असली तरी राष्ट्रवादीची पुण्यासह एकूण पश्चिम महाराष्ट्रातील स्थित चांगली झाल्याने इतर पक्षातील नाराजांच्या आशा पल्लवित झाल्या आहेत.

त्यात कोथरूड आणि हडपसरच्या जागा मनसे जिंकेल अशी शक्यता असताना त्यादेखील जागा हातातून निसटल्या आहेत. हडपसरची जागा राष्ट्रवादीच्या हाती आली आहे. त्यामुळे सध्या नाराज असलेल्या रुपाली पाटील राष्ट्रवादीच्या वाटेवर तर नाहीत ना अशी चर्चा रंगली आहे. तसेच यापुढे त्या अजून पुण्यातील काही लोकांना पक्षातून स्वतःसोबत घेऊन जाणार का यावर पक्षातील स्थानिक नेत्यांची नजर असल्याचं समजतं. मनसेच्या पुण्यातील वरिष्ठ नेते मंडळींची उमेदवारांना हवी तशी मदत झाली नाही आणि त्यांची एकूण रणनीतीच चुकीची होती अशी खंत अनेकांनी बोलून दाखविण्यास सुरुवात केली आहे . तसेच नाराजी उघडपणे समाज माध्यमांवर सुरु झाली असून, त्याचे अजून कोणते परिणाम समोर येणार ते पाहावं लागणार आहे.

हॅशटॅग्स

#Raj Thackeary(716)

संबंधित बातम्या

राहुन गेलेल्या बातम्या

x