आशियाई क्रीडा स्पर्धा २०१८; महिला पैलवान विनेश फोगाटला सुवर्ण पदक

जकार्ता : आशियाई क्रीडा स्पर्धा २०१८ मध्ये भारतीय पैलवान उत्तम कामगिरी बजावताना दिसत आहेत. काल पुरुष पैलवान बजरंग पुनियानं’ने सुवर्ण पदक पटकावून भारतासाठी सुवर्ण कामगिरी करण्यास सुरुवात केली होती. तर आज महिला पैलवान विनेश फोगाटने सुवर्ण पदकावर नाव कोरल आहे.

महिला पैलवान विनेश फोगाटने ५० किलो फ्रीस्टाईल गटात जपानच्या युकी इरीला चितपट करून सुवर्ण पदकाची कमाई केली. विनेश फोगाटच एशियाड स्पर्धेतील दुसरं पदक आहे. २०१४ साली तिने इंचिऑन एशियाडमध्ये कांस्यपदकाची कमाई केली होती आणि आज सुवर्ण पदक मिळवलं आहे.

तसेच २०१४ साली आणि २०१८ मध्ये राष्ट्रकुल स्पर्धेत सुवर्णपदक जिंकण्याचा विक्रम सुद्धा विनेश फोगाटच्या नावावर आहे. एकूणच आशियाई क्रीडा स्पर्धा २०१८ मध्ये भारतीय पैलवान उत्तम कामगिरी बजावताना दिसत आहेत.