Multibagger Stocks | यंदा बीएसई सेन्सेक्स आतापर्यंत ७ टक्क्यांहून अधिक घसरला आहे. या घसरणीचा फटका बहुतांश कंपन्यांच्या शेअरना बसला आहे. मात्र, घसरत्या बाजारात चेन्नई पेट्रोलियम कॉर्पोरेशनच्या शेअर्सही जबरदस्त कामगिरी केली आहे. चेन्नई पेट्रोलियम कॉर्पोरेशनच्या शेअर्सनी यंदा आतापर्यंत २५० टक्क्यांहून अधिक परतावा दिला आहे.
6 महिन्यात जवळपास २६५ टक्के परतावा :
राष्ट्रीय शेअर बाजारात (एनएसई) ३ जानेवारी २०२२ रोजी चेन्नई पेट्रोलियम कॉर्पोरेशनचे शेअर्स १०३.३० रुपयांच्या पातळीवर व्यवहार करत होते. ९ जून २०२२ रोजी कंपनीचे शेअर्स ३७६.४५ रुपयांच्या पातळीवर व्यापार करत आहेत. या कालावधीत कंपनीच्या शेअर्सनी जवळपास २६५ टक्के परतावा दिला आहे. जर एखाद्या गुंतवणूकदाराने ३ जानेवारी २०२२ रोजी कंपनीच्या शेअर्समध्ये १ लाख रुपयांची गुंतवणूक केली असती आणि आपली गुंतवणूक कायम ठेवली असती तर सध्या हे पैसे ३.६५ लाख रुपयांच्या जवळपास राहिले असते.
डॉली खन्नाने कंपनीचे 10 लाख शेअर्स खरेदी केले आहेत :
ज्येष्ठ गुंतवणूकदार डॉली खन्ना यांनी चेन्नई पेट्रोलियम कॉर्पोरेशनचे १० लाख शेअर्स खरेदी केले आहेत. डॉली खन्ना यांची कंपनीमध्ये ०.६७ टक्के भागीदारी असून त्यांची किंमत २६.३१ कोटी रुपये आहे. डॉली खन्ना यांनी २८ एप्रिल २०२२ रोजी खुल्या बाजाराच्या माध्यमातून चेन्नई पेट्रोलियम कॉर्पोरेशनचे शेअर्स खरेदी केले आहेत.
बल्क डीलच्या आकडेवारीनुसार :
बल्क डीलच्या आकडेवारीनुसार डॉली खन्नाने हे शेअर्स २६३.१५ रुपये प्रति शेअर या भावाने खरेदी केले. चेन्नई पेट्रोलियम कॉर्पोरेशनच्या शेअर्सनी गेल्या वर्षभरात गुंतवणूकदारांना १८५ टक्क्यांहून अधिक परतावा दिला आहे. गेल्या सहा महिन्यांत चेन्नई पेट्रोलियम कॉर्पोरेशनच्या शेअरने २५८ टक्के परतावा दिला आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
