Sovereign Gold Bond | तुमच्यासाठी आली स्वस्त सोनं खरेदीची मोठी संधी | 20 जूनपासून करू शकता गुंतवणूक
Sovereign Gold Bond | रिझर्व्ह बँक ऑफ इंडियाच्या सॉव्हरेन गोल्ड बाँड्स (एसजीबी) चा २०२२-२३ चा पहिला टप्पा २० जून रोजी सबस्क्रिप्शनसाठी खुला होईल. आरबीआयने म्हटले आहे की, त्याचा दुसरा भाग (2022-23 सीरीज 2) 22-26 ऑगस्ट 2022 दरम्यान सबस्क्रिप्शनसाठी खुला असेल. सोन्यात डिजिटल गुंतवणूक करण्यासाठी भारत सरकार हे रोखे जारी करते.
सॉवरेन गोल्ड बॉन्ड स्कीममध्ये पैसे गुंतवण्याचे सहा फायदे :
* सॉवरेन गोल्ड बाँडमध्ये गुंतवणुकदारांना वार्षिक 2.5 टक्के व्याज मिळते. प्रत्येक सहा महिन्यांनी तुम्हाला व्याजाची रक्क मिळते.
* सॉवरेन गोल्ड बाँडमधील गुंतवणुकीवर कॅपिटल गेन टॅक्स आकारला जात नाही.
* हे सोने सुरक्षित साठवून ठेवण्याची चिंता नसते. त्यामुळे जोखीम कमी होते.
* कोणत्याही एक्स्चेंजवर सॉवरेन गोल्ड बाँड विकता येऊ शकतात.
* कर्ज घेण्यासाठी सॉवरेन गोल्ड बाँडचा तारण म्हणून वापर करता येऊ शकतो.
* वेळोवेळी योजनेत गुंतवणुकीची संधी
8 वर्षांचा कालावधी :
आरबीआयने म्हटले आहे की एसजीबी 8 वर्षांच्या कालावधीसाठी जारी केले जाईल, ज्यामध्ये धारकाकडे 5 वर्षानंतर अकाली मोबदल्याचा पर्याय असेल. कमीत कमी एक ग्रॅम सोने यात गुंतवता येईल.
गेल्या वर्षीचा अंक :
आरबीआयने म्हटले आहे की, सॉव्हरेन गोल्ड बाँडच्या 2021-22 च्या मालिकेत एकूण 10 ट्रेंच जारी करण्यात आले होते, ज्यादरम्यान एकूण 12,991 कोटी रुपयांचे (27 टन) रोखे जारी करण्यात आले होते.
तुम्ही इथे गुंतवणूक करू शकता :
बँकांमार्फत (स्मॉल फायनान्स बँक आणि पेमेंट बँका वगळून), स्टॉक होल्डिंग कॉर्पोरेशन ऑफ इंडिया लिमिटेड (एसएचसीआयएल), क्लिअरिंग कॉर्पोरेशन ऑफ इंडिया लिमिटेड (सीसीआयएल), पोस्ट ऑफिसेस आणि मान्यताप्राप्त शेअर बाजार (एनएसई आणि बीएसई) यांच्यामार्फत या बाँडची विक्री केली जाईल, असे अर्थ मंत्रालयाने म्हटले आहे.
किंमत कशी ठरवली जाते :
इंडिया बुलियन अँड ज्वेलर्स असोसिएशन लिमिटेडने सबस्क्रिप्शन कालावधीच्या आधीच्या आठवड्यातील शेवटच्या तीन कामकाजाच्या दिवसांसाठी प्रकाशित केलेल्या ९९९ शुद्धतेच्या सोन्याच्या बंद किंमतीच्या साध्या सरासरीच्या आधारे बाँडची किंमत भारतीय रुपयांमध्ये निश्चित केली जाईल. ऑनलाइन सबस्क्राइब करणाऱ्या आणि डिजिटल पेमेंट करणाऱ्यांसाठी गोल्ड बाँडची इश्यू प्राइस प्रति ग्रॅम ५० रुपये कमी असेल. सॉव्हरेन गोल्ड बाँडची मुदत आठ वर्षांची असेल आणि पाचव्या वर्षानंतर ग्राहकांना यातून बाहेर पडण्याचा पर्याय उपलब्ध असेल.
किती गुंतवणूक करू शकता :
सॉव्हरेन गोल्ड बाँडमध्ये तुमची कमीत कमी 1 ग्रॅम सोन्याची गुंतवणूक होईल. मंत्रालयाने म्हटले आहे की, गुंतवणूकदारांना वार्षिक २.५ टक्के निश्चित दराने नाममात्र किंमतीत पैसे दिले जातील. प्रत्येक वर्षी सॉव्हरेन गोल्ड बाँडमध्ये गुंतवणुकीची कमाल मर्यादा वैयक्तिक आणि एचयूएफसाठी ४ किलो, ट्रस्ट आणि अशा इतर संस्थांसाठी २० किलो असेल.
ऑनलाईन खरेदी केल्यावर प्रति ग्रॅम 50 रुपये सूट मिळेल:
डिजिटल माध्यमातून गोल्ड बाँडसाठी अर्ज करणाऱ्या आणि पैसे भरणाऱ्या गुंतवणूकदारांसाठी इश्यू प्राइस प्रति ग्रॅम ५० रुपये कमी असेल. आरबीआयने म्हटले आहे की, गुंतवणूकदारांना सहामाही आधारावर निश्चित किंमतीवर वार्षिक 2.5 टक्के व्याज दिले जाईल.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
News Title: Sovereign Gold Bond scheme will open for investment from 20 June check details 17 June 2022.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Bank Account Alert | महाराष्ट्रातील या बँकेत तुमचं खातं आहे? आता पैसे काढू शकणार नाही, RBI ने बंदी घातली
- Bank FD Interest Rates | सुरक्षित भरघोस कमाई! 1 वर्षापर्यंतच्या FD वर मिळेल 8.5 टक्के परतावा, पाहा बँकांची यादी
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Bonus Shares | फ्री शेअर्स मिळवा! मल्टिबॅगर शेअरवर मिळतील फ्री बोनस शेअर्स, 1 वर्षात 462 टक्के परतावा दिला
- Budh Rashi Parivartan | बुध ग्रह मार्गी होणार, या 3 राशींची लोकं ठरणार नशीबवान, तुमची राशी कोणती?
- Numerology Horoscope | 24 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- 7th Pay Commission | सरकारी कर्मचाऱ्यांसाठी मोठी अपडेट! DA पासून HRA पर्यंत होणार मोठी सुधारणा, किती रक्कम वाढणार?
- Penny Stocks | 10 पेनी शेअर्स जे अवघ्या 1 रुपया ते 9 रुपयांमध्ये खरेदी करू शकता, संयमातून श्रीमंत होऊ शकता
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल