My EPF Money | सरकारी किंवा खासगी क्षेत्रात काम करणाऱ्या कर्मचाऱ्यांनी भविष्य निर्वाह निधी (पीएफ) खात्यात योगदान देणे आवश्यक आहे. या खात्यांचे व्यवस्थापन कर्मचारी भविष्य निर्वाह निधी संघटनेकडून (ईपीएफओ) हाताळले जाते.
ईपीएफ खात्यासोबत कर्मचाऱ्याची संपूर्ण माहिती :
ईपीएफ खात्यासोबत कर्मचाऱ्याची संपूर्ण माहिती असते, ज्यामध्ये त्याचा मोबाइल क्रमांक, नाव-पत्ता, नॉमिनीचा तपशील याशिवाय बँक खात्याची संपूर्ण माहितीही ठेवली जाते. जर एखाद्या व्यक्तीने आपले बँक खाते बदलले असेल, ज्यात पगार येतो, तर ते पीएफ खात्यातही अपडेट करावे लागेल. ईपीएफओ सर्व कर्मचाऱ्यांना युनिव्हर्सल अकाउंट नंबर (यूएएन) जारी करते, जे कर्मचाऱ्यांची संस्था बदलली तरीही बदलत नाही. तुम्हाला तुमचं बँक खातं अपडेट करायचं असेल, तर हे काम फक्त यूएएन पोर्टलच्या माध्यमातूनच हाताळता येईल.
या स्टेप्स फॉलो करून तुम्ही तुमचं बँक खातं बदलू शकता :
१. सर्वप्रथम ईपीएफओ पोर्टलवर तुमच्या युजरनेम आणि पासवर्डच्या माध्यमातून लॉग इन करा.
२. त्यानंतर वरच्या बाजूला ‘मॅनेज’ हा पर्याय निवडा.
३. जेव्हा तो खाली येईल तेव्हा तुम्हाला ‘केवायसी’ पर्याय निवडावा लागेल.
४. त्यानंतर तुम्हाला डॉक्युमेंट टाइपचा पर्याय विचारला जाईल ज्यात बँक निवडा.
५. यानंतर तुम्ही तुमचं बँक अकाउंट, आयएफएससी कोड आणि इतर माहिती अपडेट करून ‘सेव्ह’वर क्लिक कराल.
६. तपशील अपडेट केल्यानंतर ‘केवायसी पेंडिंग फॉर अप्रूव्हल’ या पर्यायात तुम्ही ते तपासू शकता.
७. जर सर्व काही ठीक असेल तर तुम्ही तुमच्या नियोक्ताला कागदपत्रांचा पुरावा द्याल, तुमचे बँक खाते अद्ययावत केले जाईल.
डिजिटली अप्रूव्हेटेड केवायसी :
पोर्टलवर तुमची बँक डिटेल्स भरल्यानंतर तुम्ही तुमचे डॉक्युमेंट तुमच्या एम्प्लॉयरला सबमिट करत असाल आणि तुमच्या एम्प्लॉयरने त्याची पडताळणी केली असेल तर ईपीएफओ पोर्टलच्या ‘डिजिटली अप्रूव्हेटेड केवायसी’ या पर्यायावर जाऊन तुम्हाला अपडेटेड बँक अकाउंट पाहता येईल. याशिवाय मंजुरी मिळाल्यानंतर तुमचा नोंदणीकृत मोबाइल नंबर एसएमएसही येणार आहे.
केवळ सॅलरी अकाउंट जोडा :
ईपीएफओमध्ये तुमचं बँक खातं अपडेट करायचं असेल, तर त्यात फक्त सॅलरी अकाउंट अॅड केलं जातं, हे लक्षात ठेवा. खरं तर पीएफ खात्याची माहिती तुमचा एम्प्लॉयर ज्या अकाऊंटमध्ये सॅलरी टाकतो त्या अकाऊंटशी संबंधित मोबाइल नंबरवरही येते. दर महिन्याला तुमच्या पीएफ खात्यातील योगदानाचे अपडेट्सही मोबाइलच्या माध्यमातून मिळतात. त्यामुळे सॅलरी अकाउंट अॅड केल्याने तुम्ही या सुविधेचा योग्य फायदा घेऊ शकाल.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
