Nokia C21 Plus | नोकिया C21 प्लस 5G स्मार्टफोन भारतात लाँच | 3 दिवसांची बॅटरी लाइफ आणि बरेच फीचर्स

Nokia C21 Plus | नोकियाने मंगळवारी आपला लेटेस्ट स्मार्टफोन सी २१ प्लस भारतात लाँच केला. नोकिया ब्रँड स्मार्टफोन तयार करण्याचा परवाना असलेल्या एचएमडी ग्लोबलने हा नवा स्मार्टफोन भारतात लाँच केला आहे. हा स्मार्टफोन दोन स्टोरेज ऑप्शनमध्ये उपलब्ध असून युनिसॉक प्रोसेसरद्वारे सपोर्टेड आहे.

५०५० एमएएचची बॅटरी 3 दिवस चालेल :
नोकिया सी २१ प्लसमध्ये ५०५० एमएएचची बॅटरी मिळते. कंपनीचा दावा आहे की, जेव्हा फोन पूर्ण चार्ज होईल तेव्हा हा फोन 3 दिवस चालेल. फोनमध्ये १३ मेगापिक्सलचा ड्युअल रियर कॅमेरा सेटअपही दिला आहे. नोकिया सी २१ प्लसची सुरुवातीची किंमत केवळ १०,२९९ रुपये आहे. कंपनी यासोबत फ्री वायर्ड इयरबड्स देत आहे.

नोकिया सी 21 प्लसची स्पेसिफिकेशन्स :
नोकिया सी २१ प्लसमध्ये ६.५ इंचाचा एचडी+ डिस्प्ले असून त्याचे रिझोल्यूशन ७२०×१६०० पिक्सल आहे. डिस्प्ले टफ ग्लासच्या थराने संरक्षित आहे. या स्मार्टफोनमध्ये ऑक्टा-कोर युनिसोक एससी9863 ए प्रोसेसर देण्यात आला आहे, जो 4 जीबी पर्यंत रॅमसह जोडला गेला आहे. हा स्मार्टफोन दोन स्टोरेज पर्यायांमध्ये येतो – 32 जीबी आणि 64 जीबी. २५६ जीबी पर्यंतचे मायक्रोएसडी कार्ड इन्स्टॉल करून युजर्स स्टोरेज आणखी वाढवू शकतात.

5050 mAh बॅटरी :
नोकिया सी २१ प्लस अँड्रॉइड ११ गो एडिशन मोबाइल ऑपरेटिंग सिस्टमवर चालतो आणि ड्युअल रिअर कॅमेर् याला सपोर्ट करतो. रिअर कॅमेऱ्यात १३ मेगापिक्सलचा मुख्य सेन्सर आणि २ मेगापिक्सलचा डेप्थ सेन्सर दिला आहे. यात फ्रंटमध्ये ५ मेगापिक्सलचा सेल्फी शूटर मिळतो. ड्युअल सिम स्मार्टफोनमध्ये रियर माउंटेड फिंगरप्रिंट सेन्सर देण्यात आला असून यात १० वॉट चार्जिंग सपोर्टसह ५०५० एमएएचची बॅटरी देण्यात आली आहे.

फोनची किंमत :
नोकिया सी २१ प्लसच्या ४ जीबी रॅम व्हेरिएंटची किंमत ११,२९९ रुपये आहे. ग्राहक ३ जीबी रॅम व्हेरिएंट देखील खरेदी करू शकतात ज्याची किंमत १०,२९९ रुपये आहे. हा स्मार्टफोन डार्क सायन आणि वॉर्म ग्रे अशा दोन कलर ऑप्शनमध्ये देण्यात आला होता. हा स्मार्टफोन Nokia.com ऑनलाइन खरेदी करता येणार असून लवकरच इतर ई-कॉमर्स वेबसाइट्स आणि ऑफलाइन स्टोअर्सवरही उपलब्ध होणार आहे.

लाँच ऑफर अंतर्गत – वायर्ड इयरबड मोफत :
लाँच ऑफर अंतर्गत जे ग्राहक Nokia.com स्मार्टफोन खरेदी करतील त्यांना नोकिया वायर्ड इयरबड मोफत मिळणार आहे. ही ऑफर मर्यादित कालावधीसाठी आहे. यासोबत जिओ ग्राहकांना 10 टक्के एक्स्ट्रा डिस्काउंट आणि 4 हजार रुपयांचे इतर फायदे मिळू शकतात.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title: Nokia C21 Plus launched in India check details 12 July 2022.