IRCTC Tour Package | ऑगस्ट महिन्यात हिमालयाच्या कुशीत नेपाळला भेट देण्याचा विचार करत असाल तर तुमच्यासाठी एक उत्तम संधी चालून येत आहे. खरं तर, भारतीय रेल्वेचा उपक्रम आयआरसीटीसी भोपाळ ते नेपाळ या धार्मिक प्रवासासाठी एक अतिशय आलिशान आणि स्वस्त टूर पॅकेज देत आहे. या पॅकेजला ‘Naturally Nepal Ex Bhopal’ असे नाव देण्यात आले आहे. या एअर टूर पॅकेजमध्ये तुम्हाला काठमांडू आणि पोखरा येथे जाण्याची संधी मिळणार आहे.
६ दिवस आणि ५ रात्रीचे टूर पॅकेज :
या पॅकेजची सुरुवात भोपाळपासून होणार आहे. ६ दिवस आणि ५ रात्रीचे टूर पॅकेज ८ ऑगस्ट २०२२ पासून सुरू होईल. पॅकेजमध्ये तुम्हाला भोपाळहून विमानाने दिल्लीला आणि नंतर दिल्लीहून काठमांडूला नेण्यात येणार आहे. यानंतर परतीचा प्रवासही दिल्लीमार्गे भोपाळला विमानाने होणार आहे. टूर पॅकेज 08.08.2022 ते 13.08.22 पर्यंत चालविण्यात येईल.
टूर पॅकेज किती आहे :
पॅकेजच्या किंमतीबद्दल बोलायचे झाले तर कम्फर्ट क्लासमधील ट्रिपल ऑक्युपन्सीवर दरडोई खर्च ३८,४०० रुपये आहे. डबल ऑक्युपन्सीवर प्रति व्यक्ती ३८,७०० रुपये आहेत. त्याचबरोबर सिंगल ऑक्युपन्सीचा दरडोई खर्च ४६ हजार ९०० रुपये आहे. २ ते ११ वर्षांच्या मुलासाठी बेडसह ३७ हजार ७०० रुपये आणि बेडशिवाय ३२ हजार ६०० रुपये आकारले जातात.
टूर पॅकेजचे ठळक मुद्दे :
* पॅकेजचे नाव : Naturally Nepal Ex Bhopal
* दौरा किती दिवस असेल – 6 दिवस आणि 5 रात्री?
* प्रस्थान दिनांक – ८ ऑगस्ट २०२२
* जेवणाची सोय – नाश्ता आणि रात्रीचं जेवण
* प्रवास माध्यम – उड्डाण (विमान प्रवास)
बुकिंग कसे करावे :
माहितीनुसार, आयआरसीटीसीच्या www.irctctourism.com वेबसाइटला भेट देऊन या टूर पॅकेजचे बुकिंग ऑनलाइन करता येणार आहे. आयआरसीटीसी टुरिस्ट फॅसिलिटेशन सेंटर, झोनल ऑफिसेस आणि क्षेत्रीय कार्यालयांच्या माध्यमातूनही बुकिंग करता येणार आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
