Loan EMI | गृह-कार कर्जासह सर्व प्रकारची कर्जे घेणाऱ्यांना आणखी एक धक्का बसू शकतो. वास्तविक, गगनाला भिडलेल्या महागाईवर नियंत्रण ठेवण्यासाठी रिझर्व्ह बँक (आरबीआय) पुन्हा एकदा रेपो रेटमध्ये ०.२५ टक्क्यांनी वाढ करू शकते. डॉइश बँकेने सोमवारी हे मत व्यक्त केले आहे. रिझव् र्ह बँकेने सप्टेंबरच्या पतधोरणात रेपो दरात ४४ टक्के वाढ करावी, अशी अपेक्षा डॉईश बँकेला आहे.
आरबीआयने यंदा मे महिन्यापासून रेपो दरात १.४० टक्के वाढ केली आहे. चलनवाढीचा दर आरबीआयच्या ६ टक्क्यांच्या आरामदायी पातळीच्या वर कायम असून, मध्यवर्ती बँकेने तीन वेळा धोरणात्मक दरांमध्ये १.४० टक्क्यांची वाढ केली आहे. येथून रिझर्व्ह बँक व्याजदर वाढीचा वेग कमी करेल, असे जर्मन बँकेने एका अहवालात म्हटले आहे.
महागाई सहा महिने उद्दिष्टापेक्षा जास्त :
भारतातील महागाई सलग सहा महिने आरबीआयच्या ६ टक्क्यांच्या आरामदायी पातळीच्या वर राहिली आहे. यंदा जूनमध्ये किरकोळ महागाई ७.०१ टक्के होती. जागतिक पातळीवर मंदीची चिन्हे असूनही मध्यवर्ती बँकेने मात्र आपला आर्थिक विकास आणि महागाईचा अंदाज बदलला नाही. २०२२-२३ च्या पहिल्या तीन तिमाहींमध्ये महागाई ६ टक्क्यांच्या समाधानकारक पातळीच्या वर राहण्याची शक्यता आहे. गेल्या पतधोरण समितीनंतर आरबीआयने म्हटले होते की, लक्ष्याच्या अनुषंगाने चलनवाढीवर नियंत्रण ठेवण्याबरोबरच आर्थिक विकासाला पाठिंबा देण्याच्या हेतूने नरम धोरणाची भूमिका मागे घेण्यावरही भर देण्याचा निर्णय घेतला आहे.
जागतिक संकटाने परिस्थिती बिघडली :
महागाईबाबत त्यात म्हटले आहे की, ‘सध्या सुरू असलेले जागतिक संकट आणि त्यामुळे निर्माण झालेली अनिश्चितता याचा परिणाम महागाईवर होत आहे. अलीकडे अन्नधान्य आणि धातूच्या किमती उच्च पातळीवरून खाली आल्या असल्या आणि जागतिक पातळीवर कच्चे तेलही काहीसे नरमले असले, तरी ते अजूनही चढेच आहे. शिवाय अमेरिकी डॉलर मजबूत झाल्याने महागाईवर दबाव येऊ शकतो.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
