My EPF Money | अनेक वेळा नोकरी गेल्यानंतर किंवा नोकरी बदलल्यावर लोक इपीएफ खात्यातून संपूर्ण पैसे काढतात. पण खऱ्या अर्थाने हा शहाणपणाचा निर्णय नाही. यामुळे तुमची बचत तर खर्च होतेच, पण अनेक प्रकारे नुकसानही सहन करावं लागतं. जर तुम्हाला पीएफच्या भरपूर पैशांची गरज असेल तर तुमची गरज इतर कोणत्या तरी मार्गाने पूर्ण करण्याचा प्रयत्न करा, पण पीएफचे पैसे काढणं टाळा. येथे काय आहे नुकसान?
ईपीएफमधून पैसे काढल्याने तोटा होती :
आर्थिक तज्ज्ञ शिखा चतुर्वेदी म्हणतात की, पीएफचे पैसे काढणे हा तोट्याचा व्यवहार आहे कारण नोकरी सोडल्यानंतरही पीएफवर व्याज मिळत राहते आणि पीएफचे व्याज हे तुमच्या एफडी आणि इतर सर्व ठेव योजनांपेक्षा जास्त असते. अशा परिस्थितीत तुमचा पैसा वाढतच जातो. याशिवाय पीएफचे पैसे काढले तर पेन्शन योजनेचे सातत्यही संपते. त्यामुळे नवीन रोजगार मिळाल्यावर जुन्या कंपनीच्या पीएफची संपूर्ण रक्कम तुम्ही नव्या कंपनीकडे वर्ग करणे चांगले. हे सेवेचे सातत्य मानले जाते. यामुळे पेन्शन योजनेत अडथळा येत नाही.
निवृत्तीनंतर 3 वर्षांसाठी मिळतं व्याज :
निवृत्तीनंतरही जर तुम्ही लगेच ईपीएफचे पैसे काढले नाहीत तर तुम्हाला तीन वर्षे व्याज मिळत राहते. तीन वर्षांनंतर हे निष्क्रिय खाते मानले जाते. शिखाच्या मते पीएफची रक्कम ही केवळ तुमच्यासाठी चांगल्या बचतीच्या स्वरूपातच येत नाही, तर करमुक्त असल्यामुळे गुंतवणूक करणे हा एक चांगला पर्याय आहे. मात्र पीएफ 5 वर्षांपूर्वी काढला तर तो करपात्र आहे. आपण ते दीर्घकाळ चालविण्याचा प्रयत्न केला पाहिजे.
पीएफमधून पैसे काढण्याचे नियम :
* साधारणतः पीएफचे संपूर्ण पैसे वयाच्या 58 वर्षानंतर निवृत्तीवरच काढता येतात.
* जर एखादी व्यक्ती दोन महिने बेरोजगार राहिली, तर त्याला पीएफचे संपूर्ण पैसे काढता येतात, तर नोकरी सोडल्यानंतर एक महिन्यानंतर 75 टक्के पैसे काढता येतात.
* सतत १० वर्षे किंवा थोडे कमी काम करूनही पीएफचे संपूर्ण पैसे काढू शकता.
* मेडिकल इमर्जन्सीच्या काळात पीएफचे पैसे काढता येतात.
* जर तुम्ही 7 वर्ष नोकरी केली असेल तर मुलांच्या शिक्षणासाठी किंवा लग्नासाठी 50 टक्केपर्यंतचा पैसा काढू शकता.
* प्लॉट खरेदी करण्यासाठी, कोणतीही व्यक्ती त्याच्या पगाराच्या जास्तीत जास्त 24 पट पीएफचे पैसे काढू शकते. पण त्यासाठी त्याचा ५ वर्षांपर्यंतचा नोकरीचा अनुभव आवश्यक आहे.
* जर तुमचे वय 54 वर्षे असेल तर पीएफच्या एकूण शिल्लक रकमेच्या 90 टक्के रक्कम तुम्ही काढू शकता.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
