Stock in Focus | ग्लोबस स्पिरिट्स कंपनीचे शेअर्स मंगळवारच्या इंट्रा-डे ट्रेडमध्ये 13 टक्क्यांनी पडले होते. बीएसई निर्देशांकावर हा स्टॉक 700 रुपये या आपल्या 52 आठवड्यांच्या नीचांक किंमत पातळीवर पोहोचला आहे. बेव्हरेजेस आणि डिस्टिलरीज कंपनीचा हा स्टॉक 26 ऑक्टोबर 2022 च्या 766.05 रुपये या आपल्या नीचांक किंमत पातळीच्या खाली गडगडला आहे. मागील 10 महिन्यांत हा स्टॉक 1720 रुपये या आपल्या उच्चांक किंमत पातळीपासून 59 टक्क्यांनी कमजोर झाला आहे. 14 जानेवारी 2022 रोजी या कंपनीच्या शेअर्सने 1760 रुपये हा आपला सर्वकालीन विक्रमी उच्चांक स्पर्श केला होता. या कंपनीच्या शेअर्समध्ये झालेली घसरण सप्टेंबर 2022 च्या कमजोर तिमाही निकालानमुळे दिसून आली आहे. वास्तविक या कंपनीला सप्टेंबर 2022 तिमाहीत जबरदस्त तोटा सहन करावा लागला आहे.
सप्टेंबर तिमाहीत तोटा :
ग्लोबस स्पिरिट्स कंपनीचा PAT जुलै ते सप्टेंबर या तिमाही कालावधीत 57.9 टक्के वार्षिक दराने कमी झाला आहे. तर, तिमाही-दर-तिमाही PAT मध्ये 40.7 टक्क्यांची घट पाहायला मिळाली असून कंपनीला 22.10 कोटी रुपये तोटा सहन करावा लागला आहे. या कंपनीच्या महसुलात वार्षिक 25.7 टक्के या दराने आणि तिमाही-दर तिमाहीत आधारावर 3.7 टक्के या दराने घसरण झाली आहे. कंपनीने या तिमाही काळात 480 कोटी रुपये महसूल कमावला होता.
कंपनीचा व्यवसाय थोडक्यात :
Globus Spirits Limited ही कंपनी दारू आणि डिस्टिलरीज क्षेत्रात उद्योग करणारी कंपनी आहे. ही कंपनी देशी आणि विदेशी अल्कोहोल ब्रँड, उच्च दर्जाचे अल्कोहोल, हँड सॅनिटायझर्स आणि फ्रेंचाइजी बॉटल उत्पादन करण्याचे काम करते. या कंपनीचे बाजार भांडवल 2,242 कोटी आहे. ही कंपनी 1993 साली स्थापना झाली होती.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
