Tata Group Stock | Tata Consumer Products या कंपनीचे शेअर्स गुंतवणुकीच्या दृष्टीकोनातून सध्या उत्तम पातळीवर ट्रेड करत आहेत. कारण कंपनीने जबरदस्त तिमाही निकाल जाहीर केले होते, आणि कॉर्पोरेट विकासाच्या आधारावर हा स्टॉक शेअर बाजारात एक दर्जेदार स्टॉक म्हणून ओळखला जातो. जागतिक ब्रोकरेज फर्म मॉर्गन स्टॅनलीने टाटा कंझ्युमर प्रोडक्ट्स कंपनीसाठी 904 रुपये लक्ष किंमत निश्चित केली आहे. 22 नोव्हेंबर 2022 रोजी टाटा कंझ्युमर कंपनीचं शेअर NSE निर्देशांकावर 771.30 रुपये किमतीवर ट्रेड करत होता. जर हा स्टॉक ब्रोकरेज हाऊसच्या अंदाजानुसार वाढला तर स्टॉक पुढील काळात आपल्या गुंतवणूकदारांना 17 टक्के पेक्षा अधिक परतावा मिळवून देऊ शकतो.
मागील 4 वर्षांत टाटा कंझ्युमर कंपनीच्या शेअरने आपल्या गुंतवणूकदारांना 250 टक्क्यांहून अधिक परतावा कमावून दिला आहे. 30 नोव्हेंबर 2018 रोजी हा स्टॉक 218.65 रुपये किमतीवर ट्रेड करत होता. 4 वर्षांपूर्वी ज्या लोकांनी या स्टॉकमध्ये 1 लाख रुपये लावले होते, आज त्यांच्या गुंतवणुकीचे मूल्य वाढून 3.5 लाख रुपये झाले असते. दुसरीकडे ज्या लोकांनी 3 वर्षांपूर्वी या स्टॉकमध्ये एक लाख रुपये लावले होते, त्याचे गुंतवणूक मूल्य आता वाढून 2.57 लाख रुपये झाले आहे. जर तुम्ही 3 महिन्यांपूर्वी या स्टॉकमध्ये एक लाख रुपये गुंतवले असते, तर आज तुमची गुंतवणूक 2.85 टक्के कमी होऊन 97500 रुपये झाली असती.
कंपनीबद्दल थोडक्यात :
Tata Consumer Products ही भारतातील सर्वात मोठी FMCG कंपनी असून टाटा कंपनी मीठ, डाळीचे सर्व प्रकार, मसाले आणि इतर खाद्यपदार्थांची विक्री देखील करते. भारताबाहेर Tata Consumer कंपनी यूके,यूएस, कॅनडा आणि इतर काही देशांमध्ये चहा तसेच कॉफी आणि इतर पेय पदार्थ वितरीत करते. या कंपनीचा पोर्टफोलिओ मजबूत आहे. टाटा कंझ्युमर कंपनीची उपकंपनी NourishCo पॅकेज्ड वॉटर आणि इतर शीतपेयांचे उत्पादन करते. टाटा कंझ्युमर कंपनीचा Starbucks सोबत संयुक्त उपक्रम आणि व्यापार असून आणि भारतात त्यांचे एकूण 275 स्टोअर्स उपलब्ध आहे.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
