भाजपाची दुसरी यादी; पुण्यातून बापट तर बारामतीतून कुल यांना उमेदवारी

पुणे : पुणे जिल्ह्याचे पालकमंत्री आणि कॅबिनेट मंत्री गिरीश बापट यांना पुणे लोकसभा मतदारसंघातून भारतीय जनता पक्षाची उमेदवारी जाहीर झाली आहे. काल रात्री उशिरा भाजपने या उमेदवार यादीची घोषणा केली. बारामती मतदारसंघातून भारतीय जनता पक्षाने कांचन कुल यांना उमेदवारी दिली आहे. कुल या राष्ट्रीय समाज पक्षाचे आमदार राहूल कुल यांच्या पत्नी आहेत. बारामतीमध्ये आता एनसीपीच्या विद्यमान खासदार सुप्रिया सुळे विरुद्ध कुल असा सामना होईल.

या निवडणुकीत पुण्याचे विद्यमान खासदार अनिल शिरोळे यांना पक्षाने घरी बसविले आहे. पुण्यात बापट यांनाच उमेदवारी मिळणार अशी चर्चा होती. त्यावर अखेर शिक्कामोर्तब झाले आहे. तर, बारामतीत सुप्रिया सुळे यांना रासपचे आमदार राहुल कुल यांच्या पत्नी कडवी लढत देतील अशी शक्यता वर्तविण्यात येत आहे.