28 June 2022 8:42 PM
अँप डाउनलोड
बातम्या फ्लॅश
HTC Desire 20 Pro | एचटीसी डिझायर 20 Pro स्मार्टफोन लाँच | 64 एमपी कॅमेरासह अनेक फीचर्स आदित्य ठाकरेंनी प्रचार-मेळाव्यातून टीकेचा सपाटा लावताच शिंदेंचा जळफळाट? | पहिल्यांदाच दिलं प्रतिउत्तर Horoscope Today | 29 जून 2022 | तुमच्या राशींनुसार तुमचा बुधवारचा दिवस कसा असेल शिंदेंचं भाजपसोबत उपमुख्यमंत्री पदासाठी फिक्सिंग झालंय? | मुख्यमंत्र्यांच्या भावनिक आवाहानानंतर नकारात्मक प्रतिउत्तर IPO Investment | व्हिस्की मेकर कंपनी ऑफिसर्स चॉइस IPO लाँच करणार | गुंतवणुकीची संधी Mutual Fund Investment | या आहेत पैसे दुप्पट-तिप्पट करणाऱ्या म्युच्युअल फंड योजना | फंडस् लक्षात ठेवा Home Loan Top-Up | कर्जाच्या ईएमआयने घराशी संबंधित खर्च भागत नाही? | टॉप-अपचा पर्याय निवडा
x

Nagin Disease | कशामुळे होतो 'नागीण' आजार? | लक्षणे आणि घगूती उपाय | नक्की वाचा

Home remedies on Nagin disease

Nagin Disease | नागीण हा रोग varicella zoster या नावाच्या वायरस मुळे होतो. याच वायरसमुळे कांजण्या पण होत असतात. हा एक विषाणूजन्य आजार आहे आणि याला विसर्प या नावाने देखील ओळखले जाते. नागीण हा आजार कांजिण्याच्या विषाणूमुळे होतो. नागीण ही शरीराच्या एकाच बाजूला होते तसेच याची लागण २ अथवा ३ नसांना देखील होऊ शकते. नागीण शरीराच्या कोणत्याही भागावर होऊ शकते.

समज-गैरसमज:
नागीण या आजाराविषयी गैरसमज अधिक आहेत. नागिणीने विळखा मारला की, जिवाला धोका असतो, हा त्यापैकी मोठा गैरसमज. गैरसमज दूर करून योग्य काळजी घेतल्यास नागिणीचा प्रसार कमी करण्यात मदत होईल. उन्हाळा सुरू झाला की, वाढत्या तापमानाबरोबर विविध साथीचे आजार पसरायला सुरुवात होते. विविध विषाणूजन्य या ऋतूत जास्त प्रमाणात जाणवतात. लहान मुलांमध्ये होणाऱ्या कांजिण्या आणि त्याच विषाणूंमुळे होणारी नागीण हे आजार संसर्गजन्य असल्यामुळे त्या विषयीचे गैरसमज दूर करून योग्य ती काळजी घेतल्यास त्याचा प्रसार कमी करण्यास मदत होऊ शकते.

याची काही लक्षणे आहेत जसे की नागीण झालेल्या ठिकाणी वेदना होणं, लाल पुरळ येणे, तेथील त्वचेची आग होणे,तोंड येणे, ताप येणे, लघवीला त्रास होणे, ५/६ दिवसात खपल्या धरतात आणि फोड सुद्धा जातात. २/३ दिवसात लालसर पुरळांचे पुंजके येतात आणि त्यात पाणी धरते.

नागीण होण्याची कारणे:

1. रात्री सतत जागरण करणे:
नागीण (herpes zoster) होण्याच्या कारणांमध्ये हल्लीच्या लाईफ स्टाईलमुळे लागलेल्या चुकीच्या सवयी कारणीभूत आहेत. अपूर्ण झोपेमुळे तुमच्या शरीरावर अनेक परिणाम होऊ शकतात. नागीण होण्यामागे जरी कांजिण्यांचे विषाणू कारणीभूत असले तरी अपूर्ण झोप याला चालना देऊ शकते.

2. पित्तवर्धक आहार घेणे:
पित्तवर्धक आहार हा देखील तुमच्या आरोग्यासाठी घातक आहे. तुमच्या शरीरातील पित्त वाढल्यामुळेही तुम्हाला नागीणचा त्रास होऊ शकत. किंवा याला खतपाणी मिळू शकते. त्यामुळे पित्तवर्धक आहार घेणे टाळा.

3. अवेळी खाणे:
अवेळी खाण्याची सवय अनेकांना असते. खरंतरं अवेळी खाण्यामुळेच तुम्हाला अनेक आजारांना सामोरे जावे लागते. त्यापैकीच एक आहे ते म्हणजे नागीण. आता तुम्हाला वाटेल चुकीच्या वेळी काही खाल्ल्यामुळे तुम्हाला हा त्रास कसा होऊ शकतो तर याचे कारण आहे शरीरात वाढणारे पित्त. जर तुम्ही असे अवेळी खात असाल तर तुम्हाला हा त्रास होऊ शकतो.

4. प्रतिकार शक्ती कमी होणे:
प्रतिकारशक्ती कमी झाली तरी तुम्हाला आजारांची लागण अगदी पटकन होते. नागीणच नाही तर प्रतिकारशक्ती कमी झाल्यामुळे तुम्हाला इतर आजारांची लागण ही होऊ शकते. जर कांजिण्याचे विषाणू तुमच्या शरीरातून पूर्णत: जायला हवे असतील तर तुम्ही तुमची प्रतिकारशक्ती वाढवणे गरजेचे आहे.

5. पित्त दुर्लक्षित करणे:
काही जणांना अॅसिडीची खूप त्रास असतो. काही जण रोजचा त्रास समजून याकडे दुर्लक्ष करतात. पण जर तुम्ही याकडे दुर्लक्ष करत असाल तर तुम्हाला नागीण सारखा गंभार आजार होण्याची शक्यता असते. त्यामुळे तुम्हाला जर अॅसिडीटीचा त्रास असेल तर तुम्ही त्यावर योग्य इलाज करुन घ्या.

यावर उपचार लवकरात लवकर सुरु करणे गरजेचे असते. यासाठी डॉक्टर्स अँटी वायरल औषधे आणि वेदना कमी करण्यासाठी वेदनाशामक औषधे देतात. साधारणपणे दोन ते सहा आठवड्यात हा आजार बरा होतो. पण इतर घरगुती उपायही आहेत;

नागीण आजारावर घरगुती उपाय: Home remedies on Nagin disease in Marathi :

1. इसेन्शिअल ऑईल:
अनेक गोष्टींसाठी इसेंन्शिअल ऑईलचा उपयोग केला जातो. त्वचेच्या अनेक त्रासावर हे तेल रामबाण उपाय असते. तुम्हाला होणारी जळजळ कमी करण्यासाठी तेलाचा उपयोग होतो. पुरळ आलेल्या ठिकाणी इसेन्शिअल ऑईल लावा. तुम्हाला आराम मिळेल. शिवाय ही तेल नैसर्गिक घटकांपासून बनलेली असल्यामुळे तुम्हाला इतर कोणताही त्रास होत नाही.

2. थंड पाण्याचा वापर:
नागीणमुळे तुमच्या शरीराचा दाह होत असतो. तो दाह कमी करण्यासाठी थंड पाण्याच्या पट्ट्या करुन तुम्ही तुमच्या पुरळांवर ठेवू शकता. त्यामुळे तुम्हाला आराम मिळतो. शिवाय तुमचे पुरळ सुकण्यासही मदत होते. त्यामुळे शक्य असेल तेव्हा नागीण झाल्यानंतर थंड गार पाण्यात पट्ट्या बुडवून तुमच्या पुरळ आलेल्या ठिकाणी ठेवा तुम्हाला नक्कीच आराम मिळेल.

3. होमिओपॅथी गोळ्यांचा डोस:
नागीण आल्यानंतर अनेकदा ताप, तोंड फुटणे असे त्रास होतात. अशा त्रासांकडे दुर्लक्ष करुन चालत नाही. अशावेळी तुम्ही होमिओपॅथ डॉक्टरांकडून काही गोळ्यासुद्धा घेऊ शकता. या गोळ्यांनीही तुम्हाला आराम मिळू शकतो.

4. ओटमिल मास्क:
त्वचेच्या अनेक समस्यांसाठी ओट्स लावण्याचा सल्ला दिला जातो. तुम्हाला जर जळजळ थांबवायची असेल तर तुम्ही ओट्सचा मास्क तयार करुन पुळ्यांना लावू शकता तुम्हाला आराम मिळेल. जर तुम्ही मास्क काही काळासाठी लावून ठेवला तरी देखील तुम्हाला बरे वाटेल.

5. कॅमोमाईल आणि स्टार्च:
कॅमोमाईल तेल आणि स्टार्च यांचा उपयोगही तुम्ही तुमचा दाह कमी करण्यासाठी करु शकता. हल्ली कॅमोमाईल तेल सहज मिळते. त्यामुळे नागीणचा त्रास कमी करण्यासाठी याचा वापर तुम्हाला करता येईल. शिवाय तुमच्या पुळ्या लवकर सुकण्यासाठीही याचा उपयोग होतो.

6. थंड पाण्याची आंघोळ:
जर तुम्हाला नागीण झाली असेल तर या काळात तुम्ही थंड पाण्याची आंघोळ करणे टाळा कारण त्यामुळे तुम्हाला अधिक जळजळ होऊ शकते. या सगळ्या कालावधीत तुम्ही थंड पाण्याची आंघोळ करा. थंड पाण्यामुळे तुम्हाला थोडा आराम मिळेल. शिवाय तुमच्या पुळ्यांची जळजळ थांबेल.

7. खाण्याचे योग्य नियोजन:
नागीण लवकरात लवकर बरी व्हावी असे तुम्हाला वाटत असेल तर तुम्हाला तुमचा आहारही योग्य ठेवण्याची गरज असते.अॅसिडीटी वाढेल असे पदार्थ तुम्ही खाऊ शकत नाही. तम्हाला तुमचा आहार अगदी सात्विक ठेवावा लागता. डाळ, भात, भाजी, पोळी, भाकरी असे पदार्थ तुम्ही या कालावधीथ खाऊ शकता. पण तुम्हाला तेलकट पदार्थ खाण्याची अजिबात परवानगी नसते. त्यामुळे तुम्ही जितके चांगले आणि हलके फुलके पदार्थ खा.

8. व्हिटॅमिन्स सप्लिमेंट:
कोणताही आजार झाल्यानंतर तुमच्या शरीराती व्हिटॅमिन्सचे प्रमाण कमी झालेले असते. शरीराला आवश्यक असलेले व्हिटॅमिन्स तुम्हाला मिळावे असे वाटत असेल तर तुम्ही व्हिटॅमिन्स सप्लिमेंट घेऊ शकता. पण डॉक्टरांचा सल्ला घेतल्याशिवाय तुम्ही व्हिटॅमिन्स घेऊ नका. कारण त्यामुळे तुम्हाला त्याचा त्रास होऊ शकतो.

9. प्रतिकार शक्ती वाढवा:
प्रतिकारशक्ती वाढवण्यासाठी तुम्हाला चांगला आहार आणि चांगल्या दिनचर्येची गरज असते. जर तुम्हाला प्रतिकारशक्ती वाढवायची असेल तर तुम्ही चांगल्या आहाराचे सेवन करा. योग्यवेळी झोपा. आठ तासांची झोप पूर्ण करा. शरीराला आवश्यक असलेला व्यायाम करा. त्यामुळे तुम्हाला हलकेही वाटेल. त्यामुळे तुमची उर्जा टिकून राहील.

10. औषधांचे करा सेवन:
केमिस्टमध्ये तुम्हाला अशी काही औषध मिळतील ज्यामुळे तुम्हाला झालेल्या नागीणचा त्रास कमी होऊ शकतो. अनेक ठिकाणी acyclovir या गोळीचे सेवन करण्याचा सल्ला दिला जातो. यासारखीच अनेक औषधं बाजारात मिळतात. पण तुम्ही डॉक्टरांचा योग्य सल्ला घेऊन याचे सेवन करु शकता.

महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

Health Title: Home remedies on Nagin disease check details 19 June 2022.

हॅशटॅग्स

#Health(777)

संबंधित बातम्या

राहुन गेलेल्या बातम्या

x