Personal Loan EMI | आणीबाणीच्या काळात जेव्हा जेव्हा आपल्याला पैशांची गरज भासते, तेव्हा पर्सनल लोन खूप उपयुक्त ठरते. पर्सनल लोन मिळणे इतर लोनपेक्षा सोपे असते आणि त्यासाठी तुम्हाला कोणतीही प्रॉपर्टी गहाण ठेवावी लागत नाही. जेव्हा आपल्याला कोठूनही आवश्यक असलेले पैसे मिळण्याची अपेक्षा नसते, तेव्हा वैयक्तिक कर्ज हा सर्वोत्तम उपाय आहे. कर्ज आपल्याला सहज मिळत असलं तरी त्यानंतर त्याच्या परतफेडीसाठी आपल्याला बराच काळ ईएमआयच्या त्रासाला सामोरं जावं लागतं.
आजकाल व्याजदर सातत्याने वाढत असून प्रत्येकाला जास्त व्याज देणे जड वाटते. अशा परिस्थितीत जर तुम्ही पर्सनल लोन घेतले असेल आणि त्यावर जास्त व्याज भरायचे नसेल तर तुम्ही लोन प्री-क्लोज करू शकता. प्री-क्लोजर ही प्रक्रिया आहे जेव्हा आपण कर्जाची मुदत संपण्यापूर्वी संपूर्ण रक्कम भरतो. येथे आम्ही तुम्हाला पर्सनल लोन प्री-क्लोज करण्याच्या मार्गांबद्दल सांगणार आहोत.
पर्सनल लोन प्री-क्लोज करण्यापूर्वी हे जाणून घ्या
बँकांमध्ये वेगवेगळे लॉक-इन पीरियड असतात, त्यापूर्वी तुम्ही लोन बंद करू शकता. मात्र कर्ज पुरवठा करणाऱ्या काही बँका किंवा संस्था व्याजाच्या रकमेवरील तोटा भरून काढण्यासाठी प्री-क्लोजिंगवर शुल्क आकारतात. पर्सनल लोन व्यवस्थित बंद करणे महत्वाचे आहे कारण त्याचा परिणाम आपल्या सिबिल स्कोअरवर होऊ शकतो. यासंबंधी कोणत्याही प्रकारची अडचण असल्यास संबंधित बँकेशी संपर्क साधू शकता.
पर्सनल लोन प्री-क्लोज कसे करावे
पर्सनल लोन प्री-क्लोज करण्यासाठी तुम्हाला सर्वप्रथम संबंधित बँकेच्या शाखेत जावे लागेल. येथे आपल्याला आयडी प्रूफ, शेवटचा ईएमआय भरण्याचे बँक स्टेटमेंट आणि रि-पेमेंट करण्यासाठी चेक किंवा डिमांड ड्राफ्ट सारख्या कागदपत्रांसह जावे लागेल. चेक किंवा डिमांड ड्राफ्टच्या माध्यमातून थकीत कर्जाची रक्कम भरताना बँक तुम्हाला एक्नॉलेजमेंट रिसिप्ट देते. ते सुरक्षित ठेवायला हवं. कर्ज पूर्व-बंद झाल्यानंतर काही दिवसांनी बँक आपल्याला लोन एग्रीमेंट पाठवते.
पूर्ण पैसे नाही, पण ईएमआयपेक्षा जास्त पैसे कसे भरायचे
जर तुमच्याकडे कर्जाच्या ईएमआयपेक्षा जास्त रक्कम असेल आणि तुम्हाला त्याचा वापर कर्जाची परतफेड करण्यासाठी करायचा असेल तर तुम्ही हे देखील करू शकता. यामुळे तुमच्या कर्जाचा कालावधी कमी होईल किंवा ईएमआयची रक्कम कमी होईल. अशा प्रकारे कर्जाची परतफेड करण्याला पर्सनल लोन पार्ट प्री-पेमेंट म्हणतात. वैयक्तिक कर्जाचा अंशत: भरणा करण्यासाठी संबंधित बँकेच्या शाखेत जाऊन बँक अधिकाऱ्याला कळवावे लागते. तुमची रिक्वेस्ट सबमिट झाल्यानंतर बँक तुम्हाला तुमचा अपडेटेड ईएमआय किंवा कर्जाच्या नव्या कालावधीबद्दल सांगते.
Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
