TCS Employees Salary | देशातील सर्वात मोठी आयटी कंपनी असलेल्या टीसीएसने जगभरातील आयटी कंपन्यांमधील कर्मचाऱ्यांच्या कपातीच्या वेळी एक आदर्श घालून दिला आहे. टाटा कन्सल्टन्सी सर्व्हिसेसने (टीसीएस) कर्मचाऱ्यांना कामावरून काढून टाकण्याचा कोणताही इरादा नसल्याचे स्पष्ट केले आहे. कंपनीच्या एका उच्चपदस्थ अधिकाऱ्याचे म्हणणे आहे की, टीसीएसमध्ये आम्ही टॅलेंटला लाँग करिअरसाठी तयार करतो.
कर्मचाऱ्यांची भरती
टीसीएसचे मुख्य मनुष्यबळ अधिकारी मिलिंद लक्कर यांनी पीटीआयला दिलेल्या मुलाखतीत सांगितले की, कंपनी नोकरी गमावलेल्या स्टार्टअप कंपन्यांच्या कर्मचाऱ्यांना कामावर घेणार आहे. जगभरातील मोठमोठ्या माहिती तंत्रज्ञान (आयटी) कंपन्या कर्मचाऱ्यांना बाहेरचा रस्ता दाखवत असताना त्यांनी हे विधान केले आहे.
आमचा नोकर कपातीवर विश्वास नाही. आम्ही टॅलेंट जोपासतो. ते म्हणाले की, अनेक कंपन्यांना असे पाऊल उचलावे लागत आहे कारण त्यांनी त्यांना हव्या त्यापेक्षा जास्त लोकांना कामावर घेतले आहे. त्याचबरोबर एखादा कर्मचारी जेव्हा टीसीएसमध्ये रुजू होतो, तेव्हा त्याला ‘प्रॉडक्टिव्ह’ बनवण्याची जबाबदारी कंपनीची असते.
पूर्वीसारखीच वेतनवाढ मिळणार
कधीकधी अशी परिस्थिती उद्भवते जेव्हा कर्मचाऱ्याची कार्यक्षमता आपल्या गरजेपेक्षा कमी असते. अशा वेळी आम्ही कर्मचाऱ्याला वेळ देऊन त्याला प्रशिक्षण देतो. टीसीएसमध्ये सहा लाखांहून अधिक कर्मचारी आहेत. यावेळीही कंपनी कर्मचाऱ्यांना पगारवाढ देणार असल्याचे लक्कर यांनी सांगितले.
महत्वाचं : तुम्हाला हा लेख/बातमी आवडली असेल तर नक्की शेअर करा आणि महाराष्ट्रनामाला फॉलो करा. तसेच शेअर बाजारातील गुंतवणुकीसंदर्भात तज्ज्ञांनी दिलेल्या सल्ल्याशी आमचा काहीही संबंध नाही. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. शेअर खरेदी/विक्री हा बाजार तज्ज्ञांचा सल्ला आहे. म्युच्युअल फंड आणि शेअर बाजारातील गुंतवणूक ही जोखमींवर आधारित असते. त्यामुळे कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
