Blue Star Share Price | भारतीय शेअर बाजारात मागील दोन दिवसापासून जबरदस्त चढ उतार पाहायला मिळत आहे. या व्यवहारात ब्लू स्टार कंपनीच्या शेअर्समध्ये बंपर खरेदी पाहायला मिळत आहे. ब्लू स्टार कंपनीचे शेअर्स कालच्या ट्रेडिंग सेशनमध्ये 798.45 रुपये उच्चांक किमतीवर पोहचले आहेत. मंगळवारच्या इंट्राडे ट्रेडिंग सेशनमध्ये ब्लु स्टार कंपनीचे शेअर्स 4.50 टक्क्यांच्या वाढीसह ट्रेड करत होते. ब्लू स्टार स्टॉकमध्ये इतकी तेजी येण्याचे कारण म्हणजे शेअर काल एक्स-बोनस म्हणून ट्रेड करत होते. आज बुधवार दिनांक 21 जून 2023 रोजी ब्लू स्टार कंपनीचे शेअर्स 0.61 टक्के वाढीसह 795.00 रुपये किमतीवर ट्रेड करत आहेत.
बोनस शेअर्स तपशील
ब्लू स्टार कंपनीने आपल्या विद्यमान शेअर धारकांना 1 : 1 या प्रमाणात बोनस शेअर वाटप करण्याची घोषणा केली होती. याचा अर्थ असा की कंपनी आपल्या पात्र शेअर धारकांना रेकॉर्ड तारखेला ब्लू स्टार कंपनीचे मोफत बोनस शेअर्स देणार. ब्लू स्टार कंपनीने या बोनस शेअर्स वाटपासाठी 20 जून 2023 हा दिवस रेकॉर्ड तारीख म्हणून जाहीर केला होता.
ब्लू स्टार लाभांश
ब्लू स्टार कंपनी आपल्या शेअर धारकांना लाभांश देण्यासाठी ही ओळखली जाते. या कंपनीने 2022-23 आर्थिक वर्षासाठी प्री-बोनस इश्यूवर अंतिम लाभांश वाटप करण्याची घोषणा केली होती. ब्लू स्टार कंपनीच्या शेअर्सने आपल्या गुंतवणुकदारांना सुरवातीपासून आतापर्यंत 10,855.62 टक्के परतावा कमावून दिला आहे.
2001 मध्ये ब्लू स्टार कंपनीचे शेअर्स 7.21 रुपये किमतीवर ट्रेड करत होते. आज हा स्टॉक 795 रुपये किमतीवर पोहचला आहे. ज्या लोकांनी 21 वर्षांपूर्वी या कंपनीच्या शेअरमध्ये 1 लाख रुपये लावले होते, त्यांच्या गुंतवणुकीचे मूल्य 1 कोटी रुपये पेक्षा जास्त झाले आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
