Reliance Capital Share Price | रिलायन्स कॅपिटल शेअर रोज अप्पर सर्किट हीट करतोय, गुंतवणुकदारांची मजबूत कमाई, खरेदी करावा का?

Reliance Capital Share Price | मागील काही दिवसांपासून रिलायन्स कॅपिटल कंपनीच्या शेअर्समध्ये तेजी पहायला मिळत आहे. शुक्रवारी हा स्टॉक 5 टक्के वाढीसह 9.36 रुपये किमतीवर ट्रेड करत होता. तर आजही शेअर अप्पर सर्किटमध्ये अडकला आहे. स्टॉकमधील तेजीचे सर्वात मोठे कारण म्हणजे RCAP कंपनीच्या लिलावात हिंदुजा समूहाचा भाग असलेल्या IndusInd International Holdings Ltd. कंपनीने मांडलेल्या संकल्प योजनेच्या बाजूने मतदान करण्यात आले आहे.

IndusInd International Holdings Ltd कंपनीने बोलीच्या दुसऱ्या फेरीत 9,661 कोटी रुपयेची सर्वात जास्त रोख ऑफर जाहीर केली आहे. आज मंगळवार दिनांक 4 जुलै 2023 रोजी रिलायन्स कॅपिटल कंपनीचे शेअर्स 4.62 टक्के वाढीसह 10.20 रुपये किमतीवर ट्रेड करत आहेत.

रिलायन्स कॅपिटल कंपनीसाठी लावलेल्या या बोली प्रक्रियेत 99 टक्के मते इंडसइंड इंटरनॅशनल होल्डिंग्स लिमिटेड कंपनीला प्राप्त झाली आहेत. कर्जदात्यांचे मत IndusInd International Holdings Ltd च्या बोलीच्या बाजूने होते कारण त्यांनी दिलेल्या 9,661 कोटी रुपयांच्या रोख पेमेंटमधून कर्जदात्यांच्या कर्जाची परतफेड केली जाणार आहे.

यांमुळे शुक्रवारी रिलायन्स कॅपिटल कंपनीच्या शेअरमध्ये खरेदी पाहायला मिळत होती. हा स्टॉक शुक्रवारी 5 टक्क्यांच्या अप्पर सर्किटमध्ये 9.36 रुपये किमतीवर ट्रेड करत होता. जानेवारी 2008 मध्ये रिलायन्स कॅपिटल कंपनीचे शेअर्स 2770 रुपये किमतीवर ट्रेड करत होते.

9661 कोटी रुपयेसह कर्जदात्यांना रिलायन्स कॅपिटल कंपनीकडे असलेले 500 कोटी रुपये रोख देखील मिळणार आहेत. अशा प्रकारे कंपनीच्या कर्जदात्याचे एकूण 10,200 कोटी रुपये कर्ज परतफेड केले जाणार आहे. रिलायन्स कॅपिटल कंपनीवर एकूण 16,000 कोटीचे कर्ज आहे. याचा अर्थ कर्जदात्यांच्या एकूण कर्जाच्या केवळ 65 टक्के कर्जच फेडले जाणार आहे. रिलायन्स कॅपिटल कंपनीचे प्रशासक पुढील आठवड्यात NCLT च्या मुंबई खंडपीठासमोर IIHL चा ठराव सादर करणार आहे. ही संकल्प योजना सादर करण्याचा अंतिम दिवस 15 जुलै 2023 निश्चित करण्यात आला होता.

IIHL कंपनी संकल्प योजनेवर 9 जून 2023 पासून मतदान घेण्यात आले होते, जे मागील आठवड्यात गुरुवारी संपले. कर्जदात्यांच्या समितीने पहिल्या फेरीत 9,500 कोटी रुपये बोली जाहीर केली होती. एप्रिल 2022 मध्ये झालेल्या लिलावाच्या दुसऱ्या फेरीत बोली मर्यादा 10,000 कोटी रुपये निश्चित करण्यात आली. बोलीच्या प्रत्येक फेरीत किमान मर्यादा 250-250 कोटी रुपयेने वाढविण्यात आली होती.

सर्वोच्च न्यायालयाच्या मंजुरीनंतर 26 एप्रिल 2023 रोजी रिलायन्स कॅपिटल कंपनीच्या लिलावाची दुसरी फेरी सुरू करण्यात आली होती. रिलायन्स कॅपिटल कंपनीच्या रिझोल्यूशन प्लॅनवर कर्जदात्याच्या समितीचा कोणताही निर्णय टोरेट इन्व्हेस्टमेंट फर्मच्या अपीलवर सर्वोच्च न्यायालयाच्या निर्णयाच्या अधिक राहील.

लिलावाच्या पहिल्या फेरीनंतर रिलायन्स कॅपिटल कंपनीची रिझोल्यूशन प्रक्रिया कायदेशीर गोंधळाच्या गर्तेत अडकली आहे. लिलावाची पहिली फेरी पूर्ण झाल्यानंतर हिंदुजा समूहाच्या कंपनीने आपली बोली जाहीर केली. मात्र लिलावाची तारीख संपल्यानंतर ही बोली जाहीर करण्यात आली असा आरोप करत टोरेंट इन्व्हेस्टमेंट फर्मने या लिलावाला सर्वोच्च न्यायालयात आव्हान दिले.

महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title | Reliance Capital Share Price today on 04 July 2023.