India’s Fake Growth Story | धक्कादायक! मोदी सरकारने देशाच्या जीडीपीचे प्रसिद्ध केलेले आकडे खोटे? प्रसिद्ध अर्थतज्ज्ञाचा लेखाने खळबळ

India’s Fake Growth Story | भारताच्या आर्थिक कामगिरीवर सुरू झालेल्या चर्चेच्या संदर्भात एक महत्वाचा लेख लिहिला गेला आहे आणि त्यावर देशात नव्हे तर जगभरात चर्चा सुरु झाली आहे. प्रिन्स्टन विद्यापीठाचे प्राध्यापक आणि अर्थतज्ज्ञ अशोक मोडी यांनी आर्थिक वर्ष 2023-24 च्या पहिल्या तिमाहीतील देशाच्या जीडीपी विकास दराबाबत चिंता व्यक्त केली होती. प्रोजेक्ट सिंडिकेटने ‘इंडियाज फेक ग्रोथ स्टोरी’ हा लेख शेअर केला आहे.

अमेरिकेतील संशोधन विद्यापीठ

प्रिन्स्टन विद्यापीठ हे अमेरिकेतील न्यू जर्सीच्या प्रिन्स्टन मधील एक खाजगी IVY लीग संशोधन विद्यापीठ आहे. एलिझाबेथ मध्ये 1746 मध्ये कॉलेज ऑफ न्यू जर्सी म्हणून स्थापित झालं होतं. त्याच प्रिन्स्टन विद्यापीठाचे प्राध्यापक आणि अर्थतज्ज्ञ अशोक मोडी यांनी यावर सविस्तर प्रकाश टाकला आहे.

देशाच्या अर्थव्यवस्थेशी धोकादायक खेळ – अर्थतज्ज्ञ अशोक मोडी

या लेखात प्रोफेसर आणि अर्थतज्ज्ञ अशोक मोडी यांनी म्हटले आहे की, भारतीय अधिकारी गैरसोयीच्या मॅक्रोइकॉनॉमिक तथ्यांना कमी लेखत आहेत जेणेकरून ते जी 20 शिखर परिषदेचे आयोजन करण्यापूर्वी आकर्षक शीर्षक असलेल्या डेटाचा आनंद साजरा करू शकतील. मात्र, भारतातील सरकार बहुतांश भारतीयांचा वाढता संघर्ष लपवण्यासाठी ते करत असून ते निंदनीय देखील आहे आणि देशाच्या अर्थव्यवस्थेशी धोकादायक खेळ खेळत आहेत.

या बहुचर्चित लेखानुसार, नकारात्मक आणि सकारात्मक पैलू दीर्घकालीन एकमेकांचा समतोल साधतात. आर्थिक वर्ष २०११-१२ च्या पहिल्या तिमाहीपासून २०२३-२४ च्या पहिल्या तिमाहीदरम्यान दोन दृष्टीकोनांमधील (उत्पन्न आणि खर्च) वास्तविक जीडीपीचा सीएजीआर (तिमाही-दर-तिमाही) वार्षिक ५.३ टक्के होता.

नेमका तर्क काय आहे

राष्ट्रीय सांख्यिकी कार्यालय (एनएसओ) निवडक डेटा वापरत आहे, जे अधिक व्यापकपणे तपासले असता गेल्या महिन्यात मोदी सरकारने जाहीर केलेल्या 7.8 टक्क्यांपेक्षा लक्षणीय कमी असल्याचे दिसून येते. खरे तर विकास दर कमी आहे, कारण देशात विषमता वाढत आहे आणि नोकऱ्यांची कमतरता ही गंभीर समस्या आहे. विशेष म्हणजे केंद्र सरकारचे मुख्य आर्थिक सल्लागार अनंत नागेश्वरन यांनी गेल्या आठवड्यात सांगितले होते की, मान्सूनच्या कमी पावसानंतरही चालू आर्थिक वर्षात अर्थव्यवस्था ६.५ टक्के दराने वाढेल.

नुकत्याच जाहीर झालेल्या आकडेवारीनुसार चालू आर्थिक वर्षाच्या पहिल्या तिमाहीत म्हणजेच एप्रिल ते जून दरम्यान देशाचा आर्थिक विकासदर ७.८ टक्के होता. गेल्या वर्षी याच तिमाहीत तो १३.१ टक्के होता.

India’s Fake Growth Story by Ashoka Mody @ProSyn?referral=a624d3 https://t.co/5iDDzIg40i

— Ashoka Mody (@AshokaMody) September 6, 2023

Disclaimer | म्युच्युअल फंड आणि शेअर बाजारातील गुंतवणूक ही जोखमींवर आधारित असते.  शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.

News Title : India’s Fake Growth Story Princeton professor Ashoka Mody seeks to drill hole in Modi 09 Sept 2023.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.