Adani Power Share Price | एकेकाळी जगातील दुसरे आणि भारतील सर्वात श्रीमंत व्यक्ती म्हणून प्रसिध्द असलेली गौतम अदानी यांच्या उद्योग समूहातील काही कंपन्यांचे शेअर्स मजबूत कामगिरी करत आहेत. अदानी पॉवर, अदानी पोर्ट्स अँड स्पेशल इकॉनॉमिक झोन, NDTV या कंपन्याचे कालच्या ट्रेडिंग सेशनमध्ये 7 ते 10 टक्क्यांच्या वाढीसह ट्रेड करत होते. अदानी एंटरप्रायझेस, अदानी एनर्जी सोल्युशन्स, अदानी टोटल गॅस, अदानी विल्मर, अंबुजा सिमेंट्स, ACC कंपन्यांचे शेअर्स कालच्या ट्रेडिंग सेशनमध्ये 2 ते 4 टक्क्यांच्या वाढीसह ट्रेड करत होते.
अदानी समुहाचे शेअर्स वाढण्याचे मुख्य कारण म्हणजे, कंपनीने स्टॉक एक्स्चेंज फाइलिंगमध्ये संगितीले आहे की, कंपनीच्या प्रवर्तक समूहाने अदानी एंटरप्रायझेस कंपनीमधील आपली स्टॉक होल्डिंग 69.87 टक्के वरून वाढवून 71.93 टक्के केली आहे आणि अदानी पोर्ट्स अँड स्पेशल इकॉनॉमिक झोन लिमिटेड कंपनीमधील स्टॉक होल्डिंग 63.06 टक्के वरून वाढवून 65.23 टक्के केली आहे. ही बातमी प्रसिद्ध होताच गुंतवणूकदारांनी अदानी समूहातील कंपन्यांचे शेअर्स खरेदी करायला सुरुवात केली.
कालच्या ट्रेडिंग सेशनमध्ये NDTV कंपनीचे शेअर्स 10 टक्क्यांच्या वाढीसह 234.20 रुपये किमतीवर ट्रेड करत होते. आणि अदानी एंटरप्रायझेस कंपनीचे शेअर्स कालच्या ट्रेडिंग सेशनमध्ये 3 टक्क्यांच्या वाढीसह 2,590 रुपये किमतीवर ट्रेड करत होते. अदानी समूहाने ग्रीन अमोनिया आणि ग्रीन हायड्रोजनची विक्री करण्यासाठी जपानच्या कोवा ग्रुपसोबत संयुक्त उपक्रम करण्याचा निर्णय घेतला आहे. अदानी समूह आणि कोवा गृप या संयुक्त उपक्रमात 50-50 टक्के गुंतवणूक करणार आहेत.
अदानी पॉवर कंपनीचे शेअर्स कालच्या ट्रेडिंग सेशनमध्ये 8 टक्क्यांच्या वाढीसह 397.30 रुपये किमतीवर ट्रेड करत होते. आज मंगळवार दिनांक 12 सप्टेंबरला 2023 रोजी अदानी पॉवर कंपनीचे शेअर्स 3.36 टक्के घसरणीसह 385.00 रुपये किमतीवर क्लोज झाले आहेत. 22 ऑगस्ट 2022 रोजी अदानी पॉवर कंपनीचे शेअर्स 432.50 रुपये किमतीवर ट्रेड करत होते. 28 फेब्रुवारी 2023 या कंपनीचे शेअर्स 132.55 रुपये या आपल्या 52 आठवड्यांच्या नीचांक किंमत पातळीवर पोहचले होते. फेब्रुवारी नंतर या कंपनीचे शेअर्स तब्बल 200 टक्के मजबूत झाले आहेत.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
