Pramara Promotions IPO | बुधवार दिनांक 13 सप्टेंबर 2023 रोजी शेअर बाजारात प्रमारा प्रमोशन्स कंपनीच्या शेअरची जबरदस्त लिस्टिंग पाहायला मिळाली आहे. प्रमारा प्रमोशन्स या प्रमोशनल उत्पादने आणि भेटवस्तू तयार करणाऱ्या कंपनीच्या शेअर्सने मजबूत लिस्टिंग नोंदवून गुंतवणूकदारांना देखील हैराण केले आहे.
प्रमारा प्रमोशन्स कंपनीचे IPO शेअर्स 111 रुपये किमतीवर सूचीबद्ध झाले आहेत. या कंपनीने आपल्या IPO मध्ये शेअरची किंमत बँड 63 रुपये निश्चित केली होती. आणि शेअरची लिस्टिंग 76.19 टक्के प्रीमियम किमतीवर झाली आहे.
स्टॉक लिस्टिंग झाल्यानंतर देखील या कंपनीच्या शेअर्समध्ये मजबूत तेजी पाहायला मिळत आहे. ज्या गुंतवणूकदारांनी या कंपनीच्या IPO मध्ये पैसे लावले होते, त्यांना स्टॉक लिस्टिंगच्या पहिल्याच दिवशी 85 टक्के नफा मिळाला आहे. आज गुरूवार दिनांक 14 सप्टेंबर 2023 रोजी प्रमारा प्रमोशन्स कंपनीचे शेअर्स 3 टक्के घसरणीसह 113 रुपये किमतीवर ट्रेड करत आहे.
IPO ला उत्कृष्ट प्रतिसाद
प्रमारा प्रमोशन्स कंपनीच्या IPO ला गुंतवणुकदारांनी मजबूत प्रतिसाद दिला होता. 5 सप्टेंबर 2023 रोजी प्रमारा प्रमोशन्स कंपनीच्या IPO मध्ये रिटेल गुंतवणूकदारांसाठी राखीव ठेवण्यात आलेला कोटा 17.01 पट अधिक खरेदी करण्यात आला होता. तर नॉन रिटेल गुंतवणूकदारांसाठी राखीव ठेवण्यात आलेल्या कोटात 33.96 पट अधिक बोली प्राप्त झाली होती.
प्रमारा प्रमोशन कंपनीने आपल्या IPO शेअरची किंमत बँड 63 रुपये जाहीर केली होती. कंपनीने एका लॉटमध्ये 2000 शेअर्स जारी केले होते. गुंतवणूकदारांना एक लॉट खरेदी करण्यासाठी किमान 1,26,000 रुपये जमा करावे लागले होते.
कंपनीबद्दल थोडक्यात
प्रमारा प्रमोशन्स ही कंपनी मुख्यतः प्रमोशनल मार्केटिंग एजन्सी म्हणून काम करते. या कंपनीची स्थापना 2006 साली झाली होती. ही कंपनी आपल्या ग्राहकांना प्रमोशनल उत्पादने आणि भेटवस्तूंच्या डिझाईन, संकल्पना, उत्पादन आणि विपणन या संबंधित सेवा प्रदान करण्याचे काम करते.
प्रमारा प्रमोशन्स कंपनीच्या ग्राहकांमध्ये फास्ट मूव्हिंग कन्झ्युमर गुड्स म्हणजेच FMCG, QSR म्हणजेच क्विक सर्व्हिस रेस्टॉरंट्स, फार्मा कंपन्या, बेव्हरेज कंपन्या, कॉस्मेटिक्स, टेलिकॉम आणि मीडिया क्षेत्रातील दिग्गज कंपन्या आहे. प्रमारा प्रमोशन्स कंपनी OEM व्यवस्था अंतर्गत उत्पादने तयार करण्याचे काम देखील करते. प्रमारा प्रमोशन लिमिटेड कंपनीने आतापर्यंत 5,000 पेक्षा जास्त उत्पादनांची निर्मिती केली आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
