7th Pay Commission | पंतप्रधान नरेंद्र मोदी यांच्या अध्यक्षतेखाली आज होणाऱ्या केंद्रीय मंत्रिमंडळाच्या बैठकीत अनेक महत्त्वाचे निर्णय घेतले जाऊ शकतात. केंद्रीय कर्मचाऱ्यांसाठी ही आनंदाची बातमी असू शकते. सूत्रांनी दिलेल्या माहितीनुसार, या बैठकीत सरकारी कर्मचाऱ्यांच्या महागाई भत्त्यात (डीए) 4 टक्के वाढ करण्यास मंजुरी मिळू शकते. सरकारने हा निर्णय घेतल्यास महागाई भत्ता 42 टक्क्यांवरून 46 टक्क्यांपर्यंत वाढेल.
ही वाढ 1 जुलै 2023 पासून लागू होणार आहे. नोव्हेंबर महिन्याचा पगार मिळण्याची शक्यता आहे. त्याचबरोबर जुलै ते ऑक्टोबर या कालावधीची थकबाकीही मिळणार आहे. या घोषणेचा लाभ ४७ लाख कर्मचारी आणि ६८ लाख पेन्शनधारकांना होणार आहे.
देशातील वाढती महागाई लक्षात घेऊन सरकारी कर्मचाऱ्यांच्या महागाई भत्त्यात (डीए) वर्षातून दोनवेळा वाढ केली जाते. सरकारी पेन्शनधारकांनाही याचा लाभ मिळतो.
4% महागाई भत्ता वाढीचा पगारावर किती परिणाम?
समजा किमान मूळ वेतन 18,000 रुपये आहे. सध्याच्या ४२ टक्के महागाई भत्त्यात 7560 रुपयांची वाढ झाली आहे. महागाई भत्ता 4 टक्क्यांनी वाढवून 46 टक्के केल्यास मासिक वाढ 8,280 रुपये होईल. याशिवाय प्रवास भत्त्यावरही डीए मिळतो. अशा परिस्थितीत या वेतनश्रेणीअसलेल्या कर्मचाऱ्याला ८,६४० रुपयांचा लाभ मिळू शकतो.
तर जास्तीत जास्त 56 हजार 900 रुपये वेतनश्रेणी असलेल्या कर्मचाऱ्यांना सध्या ४२ टक्के डीएचा लाभ मिळतो. मासिक महागाई भत्ता 23,898 रुपये आहे. डीए ४६ टक्के असेल तर ही रक्कम 26 हजार 174 रुपये असल्याचा अंदाज आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
