Gautam Adani | देशातील दुसऱ्या क्रमांकाचे अब्जाधीश गौतम अदानी यंदा संपत्ती गमावण्यात आघाडीवर आहेत. ब्लूमबर्ग बिलियनेयर्स इंडेक्सनुसार गौतम अदानी यांच्या संपत्तीत वार्षिक आधारावर 60 अब्ज डॉलरची घट झाली आहे.
वर्ष सुरू होण्यापूर्वी जगातील पहिल्या १० अब्जाधीशांपैकी एक असलेले गौतम अदानी १२ नोव्हेंबरपर्यंत या क्रमवारीत २१ व्या स्थानावर आहेत. आज दिवाळीचा सण साजरा केला जात आहे. आजच्या दिवशी अदानी जगातील सर्वात वंचित अब्जाधीशांच्या यादीत अग्रस्थानी आहेत.
किती संपत्ती
निर्देशांकानुसार गौतम अदानी यांची संपत्ती सध्या 60.6 अब्ज डॉलर असून जगातील अब्जाधीशांच्या क्रमवारीत ते 21 व्या स्थानावर आहेत. अदानींचा तोटा पाहिला तर असे म्हणता येईल की केवळ 2023 मध्ये त्यांची संपत्ती निम्म्यावर आली आहे.
हिंडेनबर्ग चा प्रभाव
अमेरिकेतील शॉर्ट सेलर फर्म हिंडेनबर्गने जानेवारीमध्ये एक अहवाल प्रसिद्ध केला होता. या अहवालात अदानी समूहावर अनेक गंभीर आरोप करण्यात आले होते. उदाहरणार्थ, शेअर्सच्या मूल्यांकनात फेरफार केल्याचा आरोप झाला होता. याशिवाय शेल कंपन्यांच्या माध्यमातून आपल्या फर्ममध्ये गुंतवणूक केल्याचा दावाही करण्यात आला होता.
मात्र, अदानी समूहाने हे आरोप फेटाळून लावले आहेत. असे असूनही समूहाच्या शेअर्समध्ये घसरण सुरूच होती. शेअर्सच्या घसरणीमुळे समूहाला १३० अब्ज डॉलर्सपेक्षा जास्त नुकसानही झाले.
अजूनही अदानी समूहाची धडपड सुरूच
आता अदानी समूह सावरण्याच्या मार्गावर असला तरी अनेक आघाड्यांवर संघर्ष करत आहे. अदानी समूहावरील आरोपांची ही सेबी चौकशी करत आहे. त्याचबरोबर वेळोवेळी इतरही अनेक अहवाल प्रसिद्ध झाल्याने हे वर्ष अदानी समूहासाठी अडचणींनी भरलेले आहे.
Disclaimer : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
