CESC Share Price | 2023 या वर्षात पॉवर सेक्टरमधील कंपन्यांचे शेअर्स जबरदस्त वाढले आहे. विजेच्या मागणीत होणारी सतत वाढ आणि वीज वितरण कंपन्यांची मजबूत कामगिरी यामुळे वीज कंपन्यांचे शेअर्स मजबूत तेजीत वाढत आहेत. वीज निर्मिती क्षेत्रातील वाढ पाहून ब्रोकरेज फर्मने सीईएससी लिमिटेड या स्मॉलकॅप पॉवर जनरेशन कंपनीचे शेअर्स खरेदी करण्याची शिफारस केली आहे. आज मंगळवार दिनांक 26 डिसेंबर 2023 रोजी सीईएससी लिमिटेड कंपनीचे शेअर्स 3.48 टक्के वाढीसह 123.30 रुपये किमतीवर क्लोज झाले आहेत.
शेअरखान फर्मने सीईएससी लिमिटेड या वीज निर्मिती कंपनीचे शेअर्स खरेदी करण्याची शिफारस केली आहे. विजेच्या मागणीत होणारी प्रचंड वाढ पाहून तज्ञ पॉवर स्टॉकबाबत सकारात्मक आहेत. सीईएससी लिमिटेड या कंपनीच्या कमाईमध्ये जबरदस्त सुधारणा पाहायला मिळाली आहे.
याशिवाय सीईएससी लिमिटेड कंपनी आपल्या अक्षय ऊर्जा व्यवसायात देखील वाढ करत आहे. पुढील 4-5 वर्षांत सीईएससी लिमिटेड कंपनी 3GW च्या RE साठी 12-13 हजार कोटी रुपये भांडवली गुंतवणुक करण्याची योजना आखत आहे.
सीईएससी लिमिटेड कंपनी राजस्थान, मालेगाव आणि चंदीगडमध्ये वीज वितरण व्यवसाय विस्तार करण्याची तयारी करत आहे. ब्रोकरेजने फर्मने सीईएससी लिमिटेड कंपनीच्या शेअरवर 150 रुपये टार्गेट प्राइस निश्चित केली आहे. ही टार्गेट प्राइस सध्याच्या किमतीपेक्षा 26 टक्के अधिक आहे. नोव्हेंबर 2023 मध्ये ब्रोकरेज फर्मने सीईएससी लिमिटेड कंपनीच्या शेअरवर 105 रुपये टार्गेट प्राइस निश्चित केली होती.
सीईएससी लिमिटेड कंपनीच्या शेअरची 52 आठवड्यांची उच्चांक पातळी किंमत 128 रुपये होती. तर नीचांक पातळी किंमत 62 रुपये होती. सीईएससी लिमिटेड या कंपनीचे एकूण बाजार भांडवल 15800 कोटी रुपये आहे. मागील एका महिन्यात या कंपनीच्या शेअरने आपल्या गुंतवणुकदारांना 20 टक्के परतावा कमावून दिला आहे. तर मागील तीन महिन्यांत सीईएससी लिमिटेड कंपनीच्या शेअरची किंमत 31 टक्क्यांनी वाढली आहे. 2023 या वर्षात सीईएससी लिमिटेड कंपनीच्या शेअरने आपल्या गुंतवणूकदारांना 55 टक्के परतावा कमावून दिला आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
