Tata Motors Share Price | टाटा मोटर्स कंपनीने नुकताच आपले डिसेंबर तिमाहीचे आर्थिक निकाल जाहीर केले आहेत. टाटा मोटर्स लिमिटेड कंपनीने डिसेंबर 2023 तिमाहीत मागील वर्षीच्या याच तिमाहीच्या तुलनेत 133.32 टक्के वाढीसह 7,100 कोटी रुपये निव्वळ नफा कमावला आहे. मागील वर्षी डिसेंबर 2022 तिमाहीमध्ये टाटा मोटर्स कंपनीने 3,043 कोटी रुपये निव्वळ नफा कमावला होता.
चालू आर्थिक वर्षाच्या डिसेंबर तिमाहीत टाटा मोटर्स कंपनीने मागील वर्षीच्या याच तिमाहीच्या तुलनेत 25 टक्के वाढीसह 1,10,600 कोटी रुपये महसूल संकलित केला आहे. शुक्रवार दिनांक 2 फेब्रुवारी 2024 रोजी टाटा मोटर्स कंपनीचे शेअर्स 0.49 टक्के वाढीसह 882.80 रुपये किमतीवर क्लोज झाले होते.
टाटा मोटर्स कंपनीने आपल्या निवेदनात माहिती दिली की, “टाटा मोटर्स कंपनी आपल्या वाहन व्यवसायांमध्ये सकारात्मक कामगिरी करत आहे. नवीन वाहन लाँच करण्यामुळे आणि JLR मधील कामगिरीत सुधारणा झाल्यामुळे कंपनीच्या मार्च 2023 तिमाहीत देखील कामगिरी सुधारण्याची अपेक्षा आहे”.
टाटा मोटर्स समूहाने आपल्या निवेदनात माहिती दिली की, “टाटा समूहाचे व्यवसाय आपल्या निर्धारित धोरणांवर मजबूत कामगिरी करत आहे. आणि या तिमाहीमध्ये टाटा समुहातील अनेक कंपन्यांनी सकारात्मक आर्थिक निकाल जाहीर केले आहे. टाटा समूहाने चालू आर्थिक वर्षाची समाप्ती मजबूत स्थितीत करण्याचे आणि आगामी तिमाहीत कामगिरीतील सुधारणांवर अधिक जोर देण्याचे ध्येय निश्चित केले आहे”.
मागील एका महिन्यात टाटा मोटर्स कंपनीच्या शेअर्सची किंमत 13 टक्के वाढली आहे. तर YTD आधारे या कंपनीच्या शेअर्सची किंमत 11 टक्के वाढली आहे. मागील सहा महिन्यांत टाटा मोटर्स कंपनीच्या शेअर्सने आपल्या गुंतवणुकदारांना 43 टक्के परतावा कमावून दिला आहे. मागील एका वर्षात टाटा मोटर्स कंपनीच्या शेअर्सने आपल्या गुंतवणूकदारांचे पैसे 100 टक्के वाढवले आहे.
मागील पाच वर्षांत टाटा मोटर्स कंपनीच्या शेअर्सने आपल्या गुंतवणुकदारांना 480 टक्के परतावा कमावून दिला आहे. या कंपनीच्या शेअर्सची 52 आठवड्यांची उच्चांक किंमत पातळी 901.90 रुपये होती. तर नीचांक किंमत पातळी 400.40 रुपये होती. या कंपनीचे एकूण बाजार भांडवल 2,92,011.80 कोटी रुपये आहे. ब्रोकरेज फर्म जेपी मॉर्गनच्या तज्ञांच्या मते, टाटा मोटर्स कंपनीचे शेअर्स पुढील काळात 925 रुपये किंमत स्पर्श करू शकतात.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
