जरांगेचे सहकारी? नाही!...शिंदे-फडणवीस सरकारमधील सहकारी पक्षाच्या कार्यकर्त्याचे मनोज जरांगेवर 'स्क्रिप्टेड' आरोप
Manoj Jarange Patil | मनोज जरांगे पाटील यांना पाणी पाजू देण्याची संधी न लाभल्याने प्रसिद्धीपासून वंचित राहिलेले त्यांचे मित्र आणि प्रहार जनशक्ती पक्षाचे कार्यकर्ते आणि राजकीय नेत्यांप्रमाणे वर्तन करणारे किर्तनकार अजय महाराज बरासकर यांनी आज मनोज जरांगे यांच्यावर मोठे आरोप केले. पण समाज माध्यमांवर अजय बारस्कर यांच्या विरोधात तीव्र प्रतिक्रिया उमटत असून, यावरून राज्य सरकारवर देखील नेटिझन्स संशय व्यक्त करताना दिसत आहेत.
अजय महाराज बारसकर यांनी खुलासे करत जरांगेंवर टीकास्त्र डागले. मनोज जरांगे यांनी मराठा कुटुंबांना उध्वस्त केले आहे, अशी घणाघाती टीका अजय महाराज बारसकर यांनी केली. यावेळी ते पत्रकार परिषदेत बोलत होते. मात्र बारसकर यांची संपूर्ण शैली ही एखाद्या राजकीय पक्षातून फुटलेल्या आमदार किंवा खासदारासारखी होती हे स्पष्ट दिसत होतं. तसेच एवढं मोठं आंदोलन म्हटल्यावर बैठका तर होणारच हे स्पष्ट असताना, त्यांनी ‘गुप्त बैठका’ असे शब्दप्रयोग करून स्वतःचं हसू करून घेतलं आहे. पण त्याच मनोज जरांगेंसोबत माध्यमांच्या समोर आमदार बच्चू कडू यांनी जाहीर बैठक घेतल्याचा त्यांना विसर पडला होता. कारण अजय बारसकर हे स्वतः प्रहार जनशक्ती पक्षाचे कार्यकर्ते आहेत.
मनोज जरांगे पाटील यांनी जोरदार प्रत्युत्तर दिलं
दरम्यान, आता अजय बारसकर यांनी केलेल्या टीकेला मराठा आंदोलनकर्ते मनोज जरांगे पाटील यांनी जोरदार प्रत्युत्तर दिलं आहे. ते म्हणाले, “माझ्यावर असे आरोप रॅलीच्या आधीच होणार होते पण तो ट्रॅप फसला. अजय बारसकर हा बांधावरून उठला आणि महाराज झाला. तो भोंदू महाराज असून याच्या मागे कोणते नेते आणि मंत्री हे मला माहिती आहे.
मी मराठा समाजासाठी कट्टर, बारसकर हा हेकेखोर आहे. सरकारने हे असे ट्रॅप लावणं बंद करावं नाहीतर याच्यापेक्षा आणखी जड जाईल. प्रत्येकाला सांगितलं होतं की ज्याला मध्यस्थी करायची त्याने स्वत:चा स्वार्थ पाहू नका. सरकारचा हा ट्रॅप असून मला बाजूला करण्यासाठी हे सर्व एकत्र माझ्याविरोधात भिडवणार आहेत. तुकाराम महाराजांच्या आडून आंदोलन संपवण्याचा घाट असल्याचा घणाघातही जरांगे पाटील यांनी बारसकर यांनी केलेल्या आरोपांवरून केला.
निवडणुकीच्या तोंडावर भाजपचे सहकारी बच्चू कडू सावध झाले?
अजय महाराज बारस्कर यांनी जरांगे यांच्यावर टीका केल्यामुळे त्यांना प्रहार जनशक्ती पक्षातून निलंबित करण्यात आले आहेत. पक्षाचे अध्यक्ष बच्चू कडू यांनी ही कारवाई केली आहे. बारस्कर यांनी पक्षविरोधी भूमिका घेतली आहे. पक्षाचा जरांगे यांना पाठिंबा असताना वेगळी भूमिका घेतल्याने त्यांच्यावर कारवाई करण्यात येत असल्याचं बच्चू कडू यांनी म्हटलं आहे. तसेच बारस्कर यांच्या विधानाशी पक्ष सहमत नाही, पक्षाची ती अधिकृत भूमिका नसल्याचंही बच्चू कडू यांनी म्हटलं आहे.
News Title : Prahar Janshakti leader Ajay Maharaj Baraskar allegations on Manoj Jarange 21 February 2024.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Jai Balaji Share Price | कुबेर कृपा करतोय हा शेअर! वेळीच खरेदी करा, मागील 1 वर्षात दिला 1700 टक्के परतावा
- RVNL Share Price | RVNL कंपनीबाबत सरकारात्मक अपडेट आली, शेअर सुसाट तेजीत धावणार, पुन्हा मल्टिबॅगर?
- IREDA Share Price | PSU IREDA शेअर्स श्रीमंत करू शकतात, अवघ्या 5 महिन्यात दिला 440% परतावा, खरेदी करणार?
- Trent Share Price | टाटा ग्रुपच्या शेअरने 6 महिन्यात दिला 110 टक्के परतावा, तज्ज्ञांकडून पुढची टार्गेट प्राईस जाहीर
- Vesuvius Share Price | अल्पावधीत 400% परतावा देणाऱ्या शेअरची एकदिवसात 15% उसळी, खरेदीला ऑनलाईन गर्दी
- IndiGo Share Price | एक अपडेट आली आणि इंडिगो शेअर्स तेजीत, अल्पावधीत 32% परतावा दिला, संधीचा फायदा घ्या
- Numerology Horoscope | 01 मे 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Numerology Horoscope | 02 मे 2024 | तुमची जन्म तारीख किती? अंकज्योतिष शास्त्र सांगेल तुमचा गुरुवारचा दिवस कसा असेल
- 7th Pay Commission | सरकारी कर्मचाऱ्यांची चिंता वाढणार? महागाई भत्त्याबाबत गुंतागुंत वाढतेय, नुकसान होणार?
- Old Vs New Tax Regime | पगारदारांनो! जुन्या टॅक्स प्रणालीतून नव्या टॅक्स प्रणालीकडे कोणी जावे? डिक्लेरेशन पूर्वीच समजून घ्या