TTML Share Price | टाटा समूहाचा भाग असलेल्या टीटीएमएल कंपनीच्या शेअरमध्ये जबरदस्त तेजी पाहायला मिळत आहे. टाटा टेलिसर्व्हिसेस महाराष्ट्र लिमिटेड कंपनीचे शेअर्स गुरुवारी 8 टक्क्यांच्या वाढीसह 91 रुपये किमतीवर पोहचले होते. ( टीटीएमएल कंपनी अंश )
15 सप्टेंबर 2023 रोजी या कंपनीचे शेअर्स 109.10 रुपये या आपल्या 52 आठवड्याच्या उच्चांक किमतीवर ट्रेड करत होते. या कंपनीच्या शेअर्सची 52 आठवड्यांची नीचांक किंमत पातळी 49.80 रुपये होती. गुरूवार दिनांक 7 मार्च 2024 रोजी टीटीएमएल स्टॉक 7.74 टक्के वाढीसह 89.80 रुपये किमतीवर क्लोज झाला होता.
मागील सहा महिन्यांपासून टीटीएमएल कंपनीच्या शेअर्समध्ये जबरदस्त पडझड पाहायला मिळत होती. मात्र मागील काही दिवसापासून या कंपनीचे शेअर्स पुन्हा तेजीत आली आहेत. टीटीएमएल कंपनीच्या एकूण भाग भांडवलापैकी 74.36 टक्के वाटा प्रवर्तकांनी धारण केला आहे. तर सार्वजनिक गुंतवणूकदारांनी या कंपनीचे 25.64 टक्के भाग भांडवल धारण केले आहे.
टीटीएमएल कंपनीची मुख्य प्रवर्तक कंपनी टाटा सन्स आहे. डिसेंबर तिमाहीपर्यंत टाटा सन्स कंपनीने टीटीएमएल कंपनीचे 38,27,59,467 म्हणजेच 19.58 टक्के भाग भांडवल धारण केले होते. तर टाटा टेलिसर्व्हिसेस कंपनीने टीटीएमएल कंपनीचे 94,41,74,817 म्हणजेच 48.30 टक्के भाग भांडवल धारण केले होते. नुकताच टाटा सन्स कंपनीला रिझर्व्ह बँक ऑफ इंडियाने नॉन-बँकिंग वित्तीय कंपनीचा दर्जा दिला आहे. त्यामुळे टाटा सन्स कंपनीला सप्टेंबर 2025 पर्यंत स्टॉक एक्सचेंजेसवर सूचीबद्ध करणे अनिवार्य झाले आहे. म्हणून ज्या कंपनीच्या शेअर्समध्ये टाटा सन्सची हिस्सेदारी आहे, त्या शेअर्समध्ये जबरदस्त उलाढाल पाहायला मिळत आहे.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
