BEML Share Price | बीईएमएल लिमिटेड या सरकारी कंपनीचे शेअर्स आज जबरदस्त तेजीसह क्लोज झाले आहेत. कालच्या ट्रेडिंग सेशनमध्ये देखील हा स्टॉक 14 टक्क्यांच्या वाढीसह ट्रेड करत होता. नुकताच या कंपनीने आपले मार्च तिमाहीचे आर्थिक निकाल जाहीर केले आहेत. कंपनीच्या निव्वळ नफ्यात वार्षिक आधारावर 62.9 टक्क्यांची वाढ झाल्याने शेअरमध्ये मजबूत खरेदी पाहायला मिळत आहे. ( बीईएमएल लिमिटेड कंपनी अंश )
बीईएमएल लिमिटेड ही संरक्षण मंत्रालयाच्या अंतर्गत व्यवसाय करणारी कंपनी आहे. सोमवारी बीईएमएल लिमिटेड कंपनीचे शेअर्स 3352.85 रुपये किमतीवर ओपन झाले होते. आणि अल्पावधीत हा स्टॉक 3666.60 रुपये या आपल्या इंट्रा-डे उच्चांकावर पोहोचला होता. आज मंगळवार दिनांक 14 मे 2024 रोजी बीईएमएल लिमिटेड स्टॉक 3.36 टक्के वाढीसह 3,800 रुपये किमतीवर क्लोज झाला आहे.
मार्च तिमाहीत बीईएमएल लिमिटेड कंपनीच्या निव्वळ नफ्यात 256.80 कोटी रुपयांची वाढ झाली आहे. या कंपनीचा महसूल 9 टक्क्यांच्या वाढीसह 1513.70 कोटी रुपये नोंदवला गेला आहे. बीईएमएल लिमिटेड कंपनीचा EBITDA 29.2 टक्क्यांच्या वाढीसह 370.40 कोटी रुपये नोंदवला गेला आहे. या कंपनीने मार्च तिमाही निकालासोबत एका शेअरवर 15.5 रुपये लाभांश वाटप करण्याची घोषणा केली आहे. म्हणजेच ही कंपनी आपल्या 10 रुपये दर्शनी मूल्य असलेल्या शेअरवर 155 टक्के लाभांश देणार आहे.
मागील एका वर्षात बीईएमएल लिमिटेड कंपनीच्या शेअर्सने आपल्या गुंतवणुकदारांना 165 टक्के परतावा कमावून दिला आहे. मागील 6 महिन्यात या कंपनीच्या शेअर्सने आपल्या गुंतवणुकदारांना 65.80 टक्के परतावा कमावून दिला आहे. तर मागील एका महिन्यात या कंपनीच्या शेअर्सची किंमत 6.8 टक्क्यांनी वाढली आहे. या कंपनीमध्ये भारत सरकारचा वाटा 54 टक्के आहे. या कंपनीच्या शेअर्सची 52 आठवड्यांची उच्चांक किंमत पातळी 4139.40 रुपये होती. तर नीचांक किंमत पातळी 1,365 रुपये होती.
महत्वाचं : म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
