Smart Investment | आजच्या काळात अनेक जण मोठ्या कंपन्यांमध्ये काम करून नक्कीच मोठी कमाई करत आहेत, पण तरीही एक मोठा वर्ग असा आहे ज्यांच्यासाठी 1 कोटी ही मोठी रक्कम आहे. 25 ते 30 हजार रुपये पगार घेणाऱ्यांना कोट्यधीश व्हायला सांगितलं तर कदाचित त्यांचा विश्वास बसणार नाही. पण आर्थिक नियोजन योग्य दिशेने केले तर आजच्या काळात करोडपती होणे तितकेसे अवघड नाही.
आजच्या काळात गुंतवणुकीची अशी अनेक साधने आहेत, ज्याच्या माध्यमातून कमी पगार मिळणारे लोकही करोडपती होण्याचे स्वप्न साकार करू शकतात. म्युच्युअल फंड एसआयपी हे त्यापैकीच एक. 30,000 रुपयांचे मासिक उत्पन्न असणारे देखील करोडपती बनू शकतात.
एसआयपी फायद्याची डील, बदलू शकते आर्थिक स्थिती
म्युच्युअल फंड एसआयपी ही मार्केट लिंक्ड स्कीम आहे, त्यामुळे ती परताव्याची हमी देत नाही, पण थेट शेअरमध्ये पैसे गुंतवण्यापेक्षा जोखीम कमी असते. दीर्घ मुदतीत सरासरी परतावा 12 टक्क्यांच्या आसपास असेल, जो इतर कोणत्याही योजनेपेक्षा बराच जास्त आहे, असा तज्ज्ञांचा अंदाज आहे.
काही वेळा यापेक्षा चांगला परतावा मिळण्याची शक्यता असते. कंपाउंडिंगमुळे म्युच्युअल फंडातील पैसा दीर्घ मुदतीत झपाट्याने वाढतो. त्यामुळे आजच्या काळात लोक हा फायद्याचा सौदा मानतात आणि त्याचा पोर्टफोलिओमध्ये समावेश करा, असे बहुतांश तज्ज्ञांचे म्हणणे आहे.
30,000 पगारात करोडपती कसे व्हावे
आता या मुद्द्यावर बोलायचं झालं तर तुम्ही 30 हजार पगारावर कोट्यधीश कसे होऊ शकता? याचे उत्तर असे की, यासाठी तुम्हाला 50-30-20 चा नियम पाळावा लागेल आणि आपल्या कमाईतील 20 टक्के रक्कम एसआयपीमध्ये गुंतवावी लागेल. 30,000 रुपयांपैकी 20 टक्के रक्कम 6,000 रुपये असेल. जर तुम्ही एसआयपीमध्ये दरमहा 6,000 रुपये गुंतवले तर 24 वर्षात तुम्ही करोडपती व्हाल.
अशा तऱ्हेने 24 वर्षात तुम्ही एकूण 17,28,000 रुपयांची गुंतवणूक कराल. 12 टक्के दराने 83,08,123 रुपये व्याज मिळेल. अशा प्रकारे 24 वर्षात तुम्ही 1,00,36,123 रुपयांचे मालक व्हाल. कालांतराने तुमचे उत्पन्नही वाढेल, त्यानुसार तुम्ही ही त्यात तुमची गुंतवणूक वाढवू शकता आणि 24 वर्षापूर्वी करोडपती बनू शकता.
Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.
