पिझ्झा खाल्ला नाही तर आपण मरणार नाही; तेलंगणात लॉकडाउन कालावधीत वाढ

अमरावती, २० एप्रिल: देशात करोनाचं थैमान वाढत आहे. अशा परिस्थितीत केंद्र सरकारनं ३ मे पर्यंत लॉकडाउन जाहीर केलं आहे. परंतु या निर्णयानंतर आता तेलंगण सरकारनं लॉकडाउनचा कालावधी वाढवत राज्यात ७ मे पर्यंत लॉकडाउन सुरू ठेवण्याचा निर्णय घेतला आहे. तेलंगणचे मुख्यमंत्री के.चंद्रशेखर राव यांनी याबाबत माहिती दिली आहे.

तेलंगणमध्ये विदेशातून आलेल्या ६४ जणांना करोनाची लागण झाली आहे. दरम्यान, ७ मे पर्यंत राज्यात वाढवण्यात आलेल्या लॉकडाउनचं अतिशय कठोररित्या पालन केलं जाईल याची काळजी घेतली जाणार असल्याचंही त्यांनी नमूद केलं.

Lockdown extended in Telangana till May 7: Chief Minister K Chandrasekhar Rao

— Press Trust of India (@PTI_News) April 19, 2020

तत्पूर्वी दोन दिवसांपूर्वी भारतातील दिल्लीत एका पिझ्झा डिलिव्हरी बॉयला कोरोनाची लागण झाल्यानंतर लोकांमध्ये खाण्या-पिण्याचं सामान ऑर्डर करताना भीतीचं वातावरण आहे, कारण त्यांने तब्बल ७२ ऑर्डर घरपोच दिल्या होत्या. अशातच आता बहुराष्ट्रीय कंपनी मॅकडॉनल्ड्सच्या सात कर्मचारी कोरोना पॉझिटिव्ह असल्याचं समोर आलं आहे. ही घटना सिंगापूरमधील आहे. आपल्या कर्मचाऱ्यांना कोरोनाची लागण झाल्यानंतर कंपनीने काम तात्पुरत्या स्वरुपात थांबवलं आहे.

त्यामुळे तेलंगणात लॉकडाउनचा कालावधी वाढवण्याव्यतिरिक्त सरकारनं झोमॅटोस स्विगी आणि पिझ्झा घरपोच पोहोचवण्यावरही बंदी घालण्याचा निर्णय घेतला आहे. जर आपण पिझ्झा घेतला नाही तर आपल्याला काही होणार नाही, असं या नंतर मुख्यमंत्र्यांनी बोलताना सांगितलं. यानंतर ५ मे रोजी परिस्थितीत पाहून मंत्रिमंडळाच्या बैठकीत पुढील निर्णय घेतले जाणार असल्याचंही सरकारनं स्पष्ट केलं.

News English Summary: In addition to extending the lockdown period in Telangana, the government has also decided to ban the delivery of Zomato Swiggi and pizza houses. If you do not have pizza, then nothing will happen to you, ”the Chief Minister said after this. Following this, the government made it clear that further decisions would be taken at the Cabinet meeting on May 5.

News English Title: Story Telangana state government extend lockdown till 7th May Covid 19 News Latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.