आत्मनिर्भर भारत हे मेक इन इंडियाचं बदललेलं नाव - शशी थरुर

नवी दिल्ली, १३ मे: पंतप्रधान नरेंद्र मोदी यांनी आपल्या भाषणात देशाता आत्मनिर्भर करण्यास सांगितले. आज जगभरात स्वयंपूर्ण शब्दाचा अर्थ पूर्णपणे बदलला आहे, असेही सांगितले. यावेळी मोदींनी २० लाख कोटी रुपयांचं हे पॅकेजची घोषणा केली. त्यासह २०२० मध्ये देशाच्या विकास यात्रेला व स्वावलंबी भारताच्या संकल्पनेले नवीन गती मिळवून देईल. या पॅकेजमध्ये जमीन, कामगार, लिक्वडिटी (तरलता) आणि कायदा या सर्वांवर लक्ष दिले आहे. हे पॅकेज कृषी, एमएसएमई, लघु उद्योग यांच्यासाठी करण्यात आले आहे. हे आर्थिक पॅकेज देशातील शेतकरी व श्रमिकांसाठी आहे. हे पॅकेज मध्यमवर्गींसाठी आहे, जो प्रामाणिकपणे टॅक्स देतो असं मोदींनी म्हटलं.

आर्थिक पॅकेजमुळे देश स्वावलंबी होईल, असा विश्वास मोदींनी व्यक्त केला. आत्मनिर्भर आणि आत्मनिर्भरता या दोन शब्दांवर मोदींचा विशेष भर होता. मोदींनी त्यांच्या संबोधनात आत्मनिर्भर शब्द १९ वेळा, तर आत्मनिर्भरता शब्द ७ वेळा वापरला. यावेळी मोदींनी कोरोना संकट आणि त्यामुळे भारत करत असलेलं पीपीई आणि मास्कचं उत्पादन यांचा संदर्भ दिला. कोरोना संकटापूर्वी देशात पीपीई किट्सचं उत्पादन होत नव्हतं. एन-९५ मास्कचं उत्पादन नाममात्र होतं. मात्र आता आपण दिवसाकाठी दोन लाख पीपीई आणि एन-९५ मास्कची निर्मिती करत आहोत, असं मोदींनी सांगितलं.

मात्र या नाऱ्यावर काँग्रेस नेते आणि माजी केंद्रीय मंत्री शशी थरुर यांनी टीका केली आहे. आत्मनिर्भर भारत अभियान हे दुसरं तिसरं काहीही नसून मेक इन इंडियाचं नवं नाव आहे अशी टीका थरुर यांनी केली आहे.

नए नाम से वही पुराना शेर बेच गए
सपनों के वो फिर से ढ़ेरों ढ़ेर बेच गए…#MakeInIndia is now आत्मनिर्भर भारत, कुछ और भी नया था क्या? pic.twitter.com/2yQhaaJyNF

— Shashi Tharoor (@ShashiTharoor) May 13, 2020

यासंदर्भात थरुर यांनी एक ट्विट केला आहे. त्यात ते म्हणतात की “नए नाम से वही पुराना शेर बेच गए सपनों के वो फिर से ढ़ेरों ढ़ेर बेच गए…” या ओळी लिहित थरुर यांनी एक फोटोही ट्विट केला आहे. ज्या फोटोत मेक इन इंडियाचं चिन्ह असलेला सिंह दिसतो आहे. #MakeInIndia is now आत्मनिर्भर भारत, कुछ और भी नया था क्या? असा प्रश्न एक माणूस विचारताना दिसतो आहे.

News English Summary: However, Congress leader and former Union Minister Shashi Tharoor has criticized the slogan. Tharoor said that Self reliant India mission is nothing but a new name of Make in India.

News English Title: Self reliant India mission is nothing but repackaged version of make in India says congress leader Shashi Tharoor News latest Updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.