प्रसिद्ध लोककलावंत आणि ‘नवरी नटली’ फेम छगन चौगुले यांचं कोरोनामुळे निधन

मुंबई, २१ मे: प्रसिद्ध लोककलावंत आणि नवरी नटली फेम छगन चौगुले यांचं गुरुवारी निधन झालं. कोरोनाची लागण झाल्याने त्यांना मुंबईतील सेव्हन हिल्स रुग्णालयात दाखल करण्यात आलं होते. उपचार सुरू असतांनाच छगन चौगुले यांनी अखेरचा श्वास घेतला.

‘खंडेरायाच्या बानू लग्नाला नवरी नटली काल बाई सुपारी फुटली’ या गाण्याने छगन चौगुले यांना विशेष ओळख मिळवून दिली. याच बरोबर छगन चौगुले यांनी ‘कथा चांगुणाची’, ‘कथा श्रावण बाळाची’, ‘आईचे काळीज’, ‘अंबाबाई कथा : कथा तुळजापुरची भवानी’, ‘कथा देवतारी बाळूमामा’ यासारखे अनेक कार्यक्रम सादर केले. या कार्यक्रमाच्या सीडीज तर विशेष गाजल्या तर छगन चौगुले यांनी अनेकांच्या कुलदेवतांची गाणी आणि लोकगिते गायली आहेत.

सध्या महाराष्ट्रात कोरोनाचे सर्वाधिक रुग्ण आहेत. देशभरात राज्याचा कोरोनाच्या रुग्णसंख्येत पहिला क्रमांक आहे. दुसऱ्या क्रमांकावर असलेल्या राज्यापेक्षा महाराष्ट्रात तिप्पट रुग्ण आहेत. तरीही रुग्ण बरं होण्याचं प्रमाण वाढत आहे, ही त्यातल्या त्यात समाधानाची बाब म्हणता येईल. बुधवारी संध्याकाळी राज्याच्या आरोग्य विभागाकडून मिळालेल्या आकडेवारीत राज्यात दिवसभरात ६५ लोकांचा कोरोनामुळे मृत्यू झाल्याचं स्पष्ट झालं. त्यातले ४१ मुंबईतले,नवी मुंबईतले ३, उल्हासनगर २, पुण्यातले १३, पिंपरी चिंचवड २,औरंगाबाद – २, सोलापूर – २ असे रुग्ण दगावले आहेत. आज राज्यात २२५० रुग्णांचं नव्याने निदान झालं.

News English Summary: Famous folk artist and Navri Natali fame Chhagan Chowgule passed away on Thursday. He was admitted to Seven Hills Hospital in Mumbai due to corona infection. Chhagan Chowgule breathed his last while undergoing treatment.

News English Title: Folk artist Chhagan Chougule died due to covid 19 infection in Mumbai News Latest Updates.