जून-जुलै नव्हे तर नोव्हेंबरमध्ये कोरोना उत्पात माजवणार - ICMR चा अंदाज

नवी दिल्ली, १५ जून: देशात कोरोनाच्या पार्श्वभूमीवर लागू करण्यात आलेला लॉकडाउन हळूहळू शिथिल करण्यात येत असला, तरी कोरोनाचं संकट अजूनही कायम आहे. नोव्हेंबर महिन्याच्या मध्यावधीमध्ये देशातील कोरोना रुग्णांची संख्या उच्चांक गाठण्याची शक्यता आहे. त्यामुळे देशात आयसीयू बेड व व्हेटिंलेटर्सचा तुटवडा जाणवू शकतो. भारतीय संशोधन परिषदेनं (आयसीएमआर) एका अभ्यास गटाच्या माध्यमातून पाहणी केली, त्यातून ही गोष्ट समोर आली आहे.

एका अभ्यासामध्ये हा दावा करण्यात आला आहे. या वेळी देशातील हॉस्पिटलमध्ये आयसीयू बेड आणि व्हेंटिलेटरची कमतरता जाणवणार असल्याचा इशारा या संशोधकांनी दिला आहे. लॉकडाऊनमुळे हा कालावधी पुढे गेला असून आठ आठवड्यांचा फरक पडला आहे. नोव्हेंबरच्या मध्यावर कोरोना देशात खूप मोठा उद्रेक करणार असल्याची भीती व्यक्त करण्यात आली आहे.

हा दावा भारतीय आयुविज्ञान अनुसंशोधन परिषदेने गठन केलेल्या ऑपरेशन रिसर्च ग्रुपच्या संशोधकांनी केला आहे. यामध्ये लॉकडाऊनचे फायदे सांगण्यात आले आहेत. लॉकडाऊनमुळे कोरोनाचा उद्रेक 34 ते 76 दिवस पुढे गेला असल्याचे त्यांनी म्हटले आहे. लॉकडाऊनने संभाव्य कोरोना रुग्णांची संख्या 69 ते 97 टक्क्यांनी कमी केली. या काळात आरोग्य सुविधा सुधारण्यास मदत मिळाली. मात्र, आता लॉकडाऊन उठविण्यात आला आहे. यामुळे नोव्हेंबरमध्ये म्हणजेच 5.4 महिन्यांसाठी आयसोलेशन बेड, 4.6 महिन्य़ांसाठी आयसीयू बेड आणि 3.9 महिन्यांसाठी व्हेंटिलेटरचा तुटवडा जाणवू लागणार आहे. ‘पीटीयआय’नं याबाबत वृत्त दिलं आहे. देशातील करोनाच्या परिस्थितीचा अभ्यास करण्यासाठी आयसीएमआरनं संशोधकांचा समावेश असलेला ऑपरेशन रिसर्च ग्रुप स्थापन केला होता.

लॉकडाउननंतर करोना बाधित रुग्णांची संख्या वेगानं वाढायला लागली आहे. त्यात देशातील काही भागांमध्ये समूह संसर्ग झाल्याचा दावाही आरोग्य क्षेत्रातील तज्ज्ञांकडून केला जात आहे. सरकारनं ही बाब स्वीकारली, तर लोक अधिक सावध होतील व काळजी घेतील, अशी सूचना वैद्यकीय क्षेत्रातील तज्ज्ञ करत आहेत.

News English Summary: Although the lockdown imposed on the corona background in the country is slowly being relaxed, the corona crisis still persists. The number of corona patients in the country is expected to reach a peak in mid-November. Therefore, there is a shortage of ICU beds and ventilators in the country.

News English Title: The number of corona patients in the country is expected to reach a peak in mid November ICMR News Latest Updates.