मध्य प्रदेश कर्नाटकप्रमाणे सोपं नाही, राजस्थानमध्ये सत्तापालट अत्यंत कठीण - सविस्तर वृत्त
जयपूर, १३ जुलै : मध्यप्रदेश नंतर राजस्थान काँग्रेसमध्ये ही राजकीय पेचप्रसंगाचे वातावरण आहे. मध्य प्रदेशात ज्योतिरादित्य सिंधियाच्या बंडखोरीने कमलनाथ सरकार पडले. त्यामुळे आता सचिन पायलट यांच्या बंडखोरीमुळे अशोक गहलोत यांचं सरकार पडण्याची शक्यता निर्माण झाली आहे. गहलोत देखील अॅक्शन मोडमध्ये आहेत. आज गहलोत हे सचिन पायलट यांच्यावर पक्षविरोधी कारवाई करु शकतात. सचिन पायलट यांच्या जागी रघुवीर मीना यांना प्रदेश काँग्रेस कमिटीचे अध्यक्ष बनवले जाण्याची शक्यता वर्तवण्यात येत आहे.
दरम्यान, राजस्थानमधील काँग्रेसचं सरकार धोक्यात आहे. याचदरम्यान काँग्रेसचे नेते राहुल गांधी यांनी त्यांच्या महाराष्ट्रातील विश्वासू चेहरा म्हणून ओळख असलेले खासदार राजीव सातव यांनी राजस्थानला रवाना होण्याचे आदेश दिले आहे. राहुल गांधी यांनी राजीव सातव यांना निरोप पाठवला असून, ते आज संध्याकाळीच राजस्थानला रवाना होणार आहेत, अशी माहिती समोर येत आहे. याआधी देखील राजीव सातव यांनी गुजरातमध्ये पक्षबांधणीत मोठं काम केलं होतं. त्याचंच फळ म्हणून काँग्रेसने त्यांना राज्यसभेवर पाठवण्याचा निर्णय घेतला होता.
मुख्यमंत्री अशोक गेहलोत आणि उपमुख्यमंत्री सचिन पायलट यांच्यातील मतभेदांमुळे राजस्थानात एक प्रकारची राजकीय अस्थितरता निर्माण झाली आहे. राजस्थानातील सद्य राजकीय स्थितीची मध्य प्रदेश, कर्नाटक बरोबर तुलना केली जात आहे. या दोन राज्यातही काँग्रेसची सरकारे होती. पण मध्य प्रदेशात ज्योतिरादित्य शिंदेंची बंडखोरी आणि कर्नाटकात आमदारांची बंडखोरी यामुळे तिथली काँग्रेसची सरकारे कोसळली.
आता राजस्थानची या दोन राज्यांबरोबर तुलना केली जात असली, तरी इथे आपल्याला आकडयांचा फरक समजून घेतला पाहिजे. कर्नाटक, मध्य प्रदेशात भाजपा बहुमतापासून फार लांब नव्हते. पण राजस्थानात बहुमत सिद्ध करण्यासाठी भाजपाला मोठया प्रमाणावर आमदारांचा पाठिंबा मिळवावा लागणार आहे. आकडयांची ही जमवाजमव करणे इतके सोपे नाहीय. सचिन पायलट यांनी त्यांच्यासोबत ३० आमदार असल्याचा दावा केला आहे.
काँग्रेसचे निवडून आलेले १०७ आमदार आहेत. त्याशिवाय १३ अपक्ष आमदारांचा पाठिंबा त्यांना आहे. भारतीय ट्रायबल पार्टीचे दोन आणि आरएलडीच्या एका आमदाराचा गेहलोत सरकारला पाठिंबा आहे. म्हणजे १२२ ते १२३ आमदार गेहलोत यांच्यासोबत आहेत. कठिण परिस्थितीत त्यांना सीपीएमच्या दोन आमदारांचाही पाठिंबा मिळू शकते. म्हणजे संख्याबळ झाले १२५. सचिन पायलट यांनी भाजपामध्ये प्रवेश केला तरी त्यांना कसे सामावून घ्यायचे हा सुद्धा भाजपासमोर एक मोठा प्रश्न असेल. कारण वसुंधरा राजे यांचा राजस्थान भाजपामध्ये दबदबा आहे.
राज्यसभा निवडणुकीत काँग्रेसच्या दोन उमेदवारांना १२३ सदस्यांनी मतदान केले होते. दुसऱ्या बाजूला भाजपाकडे ७० आमदार आहेत. त्याशिवाय नागौरचे खासदार हनुमान प्रसाद बेनिवाल यांचा पाठिंबा आहे. त्यांचे तीन आमदारही भाजपासोबत आहेत. २०० सदस्यांच्या राजस्थान विधानसभेत बहुमतासाठी १०१ आमदारांच्या पाठिंब्याची आवश्यकता आहे. आज काँग्रेसकडे १२२ तर भाजपाकडे ७५ सदस्य आहेत. त्यामुळे मध्य प्रदेश, कर्नाटक प्रमाणे राजस्थानात सत्ता पालट होणे इतके सोपे नाही. मध्य प्रदेशात ज्योतिरादित्य शिंदे यांच्यामुळे हे शक्य झाले.
News English Summary: Although Rajasthan is being compared with these two states, here we have to understand the difference in numbers. In Karnataka, Madhya Pradesh, the BJP was not far from a majority. But to prove a majority in Rajasthan, the BJP will have to get the support of a large number of MLAs.
News English Title: It difficult to collapse Rajasthan State government like Madhya Pradesh and Karnataka News Latest Updates.
संबंधित बातम्या
व्हिडिओ
- VIDEO | सोमैयांच्या भंपक आरोपांचा इतिहास | ५'वी दिवाळी आली तरी अजित पवार-तटकरे बाहेरच
- VIDEO | अमेरिकेत बायडन तर महाराष्ट्रात पवार यांची पावसातील सभा | पहा..
- VIDEO | जलयुक्त शिवार योजना | फडणवीसांची फिरवाफिरवी | राज ठाकरेंकडून वास्तव
- पेट्रोल डिझेलचे भाव गगनाला भिडले तरी मोदी गप्प?
- कोरोना रुग्णांच्या आरोग्य सेवांवरून राज्य सरकार गोधळलंय
- महाराष्ट्रनामा कोरोना डॅशबोर्ड
- महाराष्ट्र...कोरोना रुग्ण...बेड्स...राज्य सरकारचं वास्तव उघड
- सोनू सूद लॉकडाउन दरम्यानचा खरंच देव आहे? जाणून घ्या सत्य
- सरकारने पोलिसांवरील उपचारासाठी मरोळ PTS ताब्यात घ्यावं
राहुन गेलेल्या बातम्या
- Stocks To Buy | बँक FD किती वार्षिक व्याज देईल? पण या बँकेचा शेअर अल्पावधीत 35 टक्के परतावा देईल
- Mastek Share Price | 40 रुपयाच्या शेअरची कमाल! तब्बल 4000 टक्के परतावा दिला, आता एका दिवसात 20% वाढला
- Numerology Horoscope | 22 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा सोमवारचा दिवस कसा असेल
- Gold Rate Today | बापरे! लग्नासराईच्या दिवसातही सोनं खरेदी करणं परवडणार नाही, लवकरच 1 लाख रुपये तोळा होणार
- Numerology Horoscope | 19 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा शुक्रवारचा दिवस कसा असेल
- Talbros Auto Share Price | टॅलब्रोस कंपनीची ओरडारबुक मजबूत होताच शेअर्स तेजीत, 2 दिवसात 10 टक्के परतावा
- Jio Financial Services Share Price | जिओ फायनान्शियल शेअरमध्ये चढ-उतार, स्टॉक पुढे तेजीत वाढणार की घसरणार?
- Numerology Horoscope | 17 एप्रिल 2024 | तुमची जन्म तारीख किती? अंकज्योतिष शास्त्र सांगेल तुमचा बुधवारचा दिवस कसा असेल
- Infosys Share Price | भरवशाचा इन्फोसिस शेअर उसळी घेणार, दिग्गज ब्रोकिंग तज्ज्ञांकडून मोठी टार्गेट प्राईस जाहीर
- Stocks in Focus | मार्ग श्रीमंतीचा! हे टॉप 5 बँकिंग शेअर्स तुम्हाला अल्पावधीत 38 टक्केपर्यंत परतावा देतील, संधी सोडू नका