मुंबई, २७ जुलै: राज्याचे मुख्यमंत्री आणि शिवसेना पक्ष प्रमुख उद्धव ठाकरे यांचा आज साठावा वाढदिवस आहे. त्यानिमित्ताने राज्याचे मुख्यमंत्री आणि शिवसेना पक्षप्रमुख उद्धव ठाकरे यांना संजय राऊत यांनी आपल्या खास शैलीत वाढदिवसाच्या शुभेच्छा दिल्या आहेत. संजय राऊत यांनी ट्विट करुन म्हटले आहे की, आपण आमच्या आयुष्यात खास आहात. आपणास वाढदिवसाच्या मन:पूर्वक शुभेच्छा. देशाचं नेतृत्त्व करण्याची क्षमता आपल्यात आहे, असे संजय राऊत यांनी म्हटले आहे.

तत्पूर्वी, या वाढदिवसानिमित्तानं उपमुख्यमंत्री अजित पवार यांनी एक फोटो ट्वीट करून अनोख्या शुभेच्छा दिल्या आहेत. त्यांच्या या ट्वीटमुळे पुन्हा एकदा चर्चेला उधाण आलं आहे. मुख्यमंत्री उद्धव ठाकरे आणि उपमुख्यमंत्री अजित पवार एकाच गाडीत बसले आहेत आणि या गाडीचं स्टिअरिंग अजित पवारांच्या हातात आहे. हा फोटो सध्या घडणाऱ्या घ़डामोडींच्या पार्श्वभूमीवर खूपकाही सांगून जाणारा आहे. या अनोख्या शुभेच्छांमुळे पुन्हा एकदा स्टिअरिंग नक्की कुणाच्या हातात आहे? अशी दबक्या आवाजात कुजबुज सुरू झाल्याचं पाहायला मिळत आहे.

 

News English Summary: Shivsena MP Sanjay Raut tweeted that you are special in our lives. Happy birthday to you We have the ability to lead the country, said Sanjay Raut.

News English Title: Shivsena MP Sanjay Raut give birthday wishes to Chief Minister Uddhav Thackeray News Latest Updates.

देशाचं नेतृत्व करण्याची क्षमता आपल्यात आहे, राऊतांकडून मुख्यमंत्र्यांना वाढदिवसाच्या शुभेच्छा