मुंबई, २५ ऑक्टोबर: माजी मुख्यमंत्री देवेंद्र फडणवीस यांच्या पत्नी आणि गायिका अमृता फडणवीस यांनी पुन्हा एकदा ट्विट करत शिवसेनेवर टीकास्त्र सोडलं आहे. करोना विषाणू आणि पेंग्विन महा सरकार विषाणू कधीही निष्पाप लोकांवर ग्रासतील हे सांगता येत नाही, असं ट्विट करत अमृता फडणवीस यांनी टोला लगावला आहे.

अमृता फडणवीस यांचं ट्विट:
कोरोना आणि पेंग्विन महा सरकार हे दोन व्हायरस निष्पाप लोकांवर कधीही, कुठे, कसे ग्रासतील हे सांगता येत नाही. क्वारंटाइन होण्यापासून आपला बचाव करा.. त्यासाठी सुरक्षित अंतर ठेवा आणि नियमित मास्क वापरा. सुरक्षित राहा! गप्प बसा!

समित ठक्करने मुख्यमंत्री उद्धव ठाकरे व आदित्य ठाकरे यांच्यासंदर्भात केलेल्या आक्षेपार्ह ट्विटप्रकरणी नागपूर पोलिसांनी आज (२४ ऑक्टोबर) अटक केली आहे. युवासेनेचे पदाधिकारी धर्मेंद्र मिश्रा यांनी समित ठक्कर विरोधात तक्रार केली होती. आरोपी समित हा भाजपचा आयटी सेलचा कार्यकर्ता आहे, असा दावा तक्रारदारांनी केला आहे.

दुसरीकडे काही दिवसांपूर्वी शिवसेना खासदार संजय राऊत आणि कंगना राणौत यांच्यात जुंपली होती. यानंतर आता दसऱ्याच्या शुभेच्छा देताना कंगनानं संजय राऊतांना लक्ष्य केलं आहे. कंगनानं ट्विटरवर हनुमानाच्या मूर्तीचा आणि मुंबईतल्या कार्यालयाचा फोटो शेअर केला आहे. ‘माझी तुटलेली स्वप्नं तुमच्या चेहऱ्यासमोर हसत आहेत संजय राऊत. पप्पू सेना माझं घर तोडू शकते. पण माझ्या आत्म्यावर घाला घालू शकत नाही. बंगला क्रमांक ५ आज सत्याचा असत्यावर विजय साजरा करत आहे,’ असं म्हणत कंगनानं दसऱ्याच्या शुभेच्छा दिल्या आहेत.

 

News English Summary: Former Chief Minister Devendra Fadnavis’s wife and singer Amrita Fadnavis has once again tweeted and castigated Shiv Sena. Amrita Fadnavis has tweeted that the Corona virus and the Penguin Maha Sarkar virus will never infect innocent people.

News English Title: Amruta Fadanvis Tweet on Shivsena Troll Sammet Thakkar social media News updates.

कोरोना आणि पेंग्विन महा सरकार | हे दोन व्हायरस निष्पाप लोकांवर कधीही….