विदेशी चलन प्रकरण | बिल्डर अविनाश भोसले यांच्या कार्यालयावर ED ची धाड

पुणे, १० फेब्रुवारी: बांधकाम व्यवसायिक अविनाश भोसले यांच्या कार्यालयावर अंमलबजावणी संचलनालय अर्थात ED ने छापेमारी केली आहे. ED चे अधिकारी सकाळी 8:30 पासून ABIL हाऊसमध्ये झाडाझडती करत आहेत. अविनाश भोसले हे मोठे बांधकाम आणि हॉटेल व्यावसायिक आहेत. फेमासंबंधीच्या प्रकरणात त्यांची ईडीकडून चौकशी होत आहे. हे 6 वर्षांपूर्वीचे विदेशी चलन प्रकरण आहे. (Builder Avinash Bhosale office has been raided by the Directorate of Enforcement)

आयबीची परवानगी न घेता विदेशी बँकेत खोललेल्या खात्यात 500 कोटी कुठून आले याचा तपास ईडी करतेय. या प्रकरणी यापूर्वीही त्यांची दोन वेळा चौकशी झाली होती आणि छापा टाकण्यात आला होता.

मागील काही दिवसांपासून ED च्या फेऱ्यात चौकशीला सामोरे जात असलेले पुण्यातील बांधकाम व्यावसायिक अविनाश भोसले यांच्या कार्यालयावर ED ने छापा टाकलाय. सकाळी साडे आठ वाजताच ईडीचं पथक पुण्यातील ABIL या कार्यालयात दाखल झालं. केंद्रीय सुरक्षा दलाच्या गार्डचा पहारा सध्या या कार्यालयात आहे. विदेशी चलन प्रकारात चौकशी सुरु असताना ईडीचं पथक थेट पुण्यात तळ ठोकून बसल्याने, भोसले यांच्या अडचणीत आणखी वाढ होण्याची शक्यता आहे.

तत्पूर्वी राज्याचे सहकार राज्यमंत्री विश्वजित कदम यांची पत्नी स्वप्नाली भोसले यांना ईडीकडून समन्स बजावण्यात आल्याची माहिती समोर आलेली. तसेच 27 नोव्हेंबर 2020 रोजी पुण्यातील बांधकाम व्यावसायिक अविनाश भोसले यांची ईडीकडून चौकशी करण्यात आलेली. स्वप्नाली भोसले या अविनाश भोसले यांची कन्या असून विश्वजीत यांच्या पत्नी आहेत.

News English Summary: Builder Avinash Bhosale’s office has been raided by the Directorate of Enforcement (ED). ED officials have been patrolling ABIL House since 8:30 p.m. Avinash Bhosale is a big builder and hotelier. He is being questioned by the ED in the FEMA case. This is a foreign currency case from 6 years ago.

News English Title: Builder Avinash Bhosale’s office has been raided by the Directorate of Enforcement news updates.