गुजरात | वाढत्या कोरोनामुळे वीकेंड लॉकडाऊन किंवा ३-४ दिवसांचा कर्फ्यू लावा - हायकोर्ट

गांधीनगर, ८ एप्रिल: देशभरात कोरोनाची परिस्थिती गंभीर होत असताना दिसत आहे. बुधवारी देशात विक्रमी 1 लाख 26 हजार 265 लोक संक्रमित आढळले. गेल्या वर्षी महामारी सुरू झाल्याच्या नंतरपासून आतापर्यंत पहिल्यांदाच एका दिवसात एवढे लोक कोरोनाच्या विळख्यात सापडले आहेत. यापूर्वी 6 एप्रिलला एका दिवसात 1.15 लाख लोक कोरोना पॉझिटिव्ह आढळले होते.

या व्यतिरिक्त बुधवारी 684 रुग्णांचा मृत्यू झाला आणि 59 हजार 129 लोक रिकव्हर झाले. यासोबतच कोरोना संक्रमितांचा आकडा आता 1.29 लाखांपेक्षा जास्त झाला आहे. यामध्ये 1.18 लाख लोक बरे झाले आहेत. तर 1.66 लाख रुग्णांचा मृत्यू झाला आहे. 9 लाख 5 हजार रुग्ण असे आहेत ज्यांच्यावर उपचार सुरू आहेत. दरम्यान गुजरातमध्ये देखील परिस्थिती गंभीर होतं असल्याचं चित्र आहे. यासंदर्भात स्वतः मुख्यमंत्री विजय रूपानी यांनी माहिती दिली आहे.

मुख्यमंत्री विजय रूपाणी म्हणाले की, अशाप्रकारे माझ्या मुलाच्या लग्नाबाबत कोणतं नियोजन नाही. समाज माध्यमांवर सुरू असणाऱ्या या बातम्या अफवा आहेत. सध्या माझं आणि माझ्या सरकारचं उद्देश गुजरातमधील कोरोना व्हायरसचं संक्रमण रोखण्याचं आहे. कोरोनाचा वाढता प्रार्दुभाव पाहता गुजरात हायकोर्टाने सरकारला वीकेंड लॉकडाऊन अथवा ३ ते ४ दिवसांचा कर्फ्यू लावण्याची सूचना केली आहे.

कोर्टाच्या निर्देशावरून उच्चस्तरीय बैठक झाली आहे. या बैठकीनंतर मुख्यमंत्री विजय रूपाणी यांच्याबाबत सोशल मीडियावर मेसेज व्हायरल होत आहे. सोशल मीडियावर व्हायरल होणाऱ्या मेसेजमध्ये लिहिलं आहे की, मुख्यमंत्र्यांच्या मुलाचं लग्न असल्याने लॉकडाऊन लागणार नाही. दुसरीकडे लॉकडाऊन होण्याची शक्यता असल्यानेही लोकांमध्ये दहशत पसरली आहे. लोक आवश्यक वस्तूंची खरेदी करण्यासाठी बाजारात आणि मॉलमध्ये गर्दी करत आहेत. त्यामुळे सोशल डिस्टेंसिंगच्या नियमांचे उल्लंघन सर्रासपणे सुरू आहे. त्यानंतर माहिती देताना रुपानी यांनी सविस्तर माहिती देताना इतर अफवा फेटाळून लावल्या आहेत.

News English Summary: Chief Minister Vijay Rupani said, “There is no planning for my son’s wedding like this.” There are rumors circulating on social media. Currently, my government and I aim to prevent the spread of corona virus in Gujarat.

News English Title: My government and I aim to prevent the spread of corona virus in Gujarat said Gujarat CM Vijay Rupani news updates.

Disclaimer: म्युच्युअल फंड आणि शेअर बाजारातील गुंतवणूक ही जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. कोणत्याही आर्थिक नुकसानीस महाराष्ट्रनामा डॉट कॉम जबाबदार राहणार नाही.