बारामती, ११ जुलै | पंतप्रधान नरेंद्र मोदी यांनी नुकताच आपल्या मंत्रिमंडळाचा विस्तार केला आहे. यावेळी नव्याने सहकार खातेही तयार करण्यात आले आहे. अमित शहा यांच्याकडे सहकार खात्याची जबाबदारी सोपवण्यात आली आहे. वेगळे खाते निर्माण केल्यामुळे राज्यातील सहकार क्षेत्रातील प्रकरणे बाहेर काढले जातील अशा चर्चा होत्या. आता यावर राष्ट्रवादी काँग्रेसचे अध्यक्ष शरद पवार यांनी भाष्य केले आहे.
केंद्रीय मंत्रिमंडळात अमित शहांकडे सहकार खाते दिल्यामुळे राज्यामध्ये राष्ट्रवादी काँग्रेसच्या अडचणींमध्ये वाढ होण्याची शक्यता व्यक्त केली जात होती. कारण राज्यातील सहकार क्षेत्रामध्ये राष्ट्रवादीचा दबदबा आहे. दरम्यान पवारांनी यावर भाष्य करत म्हटले आहे की, ‘सहकार कायदे बनवण्याची जबाबदारी राज्य शासनाकडे आहे. त्यानुसार महाराष्ट्राच्या विधानसभेने कायदे केले आहेत. विधानसभेने केलेल्या कायद्यांमध्ये हस्तक्षेप करण्याचा अधिकार केंद्र सरकारला नाही. केंद्र सरकार महाराष्ट्रातल्या सहकारी चळवळीवर गंडांतर आणेल या बातम्यांना फारसा काही अर्थ नाही. सहकार हा विषय घटनेनुसार राज्य सरकारचा आहे’ असे पवारांनी स्पष्ट केले आहे.
यामध्ये काहीच तथ्य नाही:
पुढे बोलताना शरद पवार म्हणाले की, ‘मल्टीस्टेट बँका हा प्रकार केंद्र सरकारच्या अखत्यारीमध्ये आहे. त्यामुळे सहकार मंत्रालय विषय नवीन नाही नाही. माझ्याकडे दहा वर्षे कृषी खाद्याची जबाबदारी होती, तेव्हाही हा विषय होता आणि आताही आहे’ असेही पवार म्हणाले. तसेच. दुर्देवाने महाराष्ट्रातील माध्यमांनी या खात्यामुळे राज्यातील सहकार चळवळीवर परिणाम होईल असे भासवले मात्र यामध्ये काहीच तथ्य नाही.’ असे पवारांनी स्पष्ट केले.
महत्वाचं: तुम्हाला हा लेख/बातमी आवडली असेल तर नक्की शेअर करा आणि अशा प्रकारचे लेख/बातमी भविष्यात वाचण्यास आवडतील तर कृपया महाराष्ट्रनामाला न विसरता ‘फॉलो (Follow) ‘ करा. तुमच्या आवडी प्रमाणे विषय घेऊन लेख/बातमी लिहिणे आमच्या टीमला देखील खूप आवडेल आणि तुमची वाचनाची गोडी देखील त्यामुळे वाढेल. त्यामुळे आम्हाला नक्की फॉलो करा. महाराष्ट्रनामा नेहमीच वाचकाच्या पसंतीचे आणि निरनिराळ्या पण महत्वाच्या विषयांवरील लेख प्रसिद्ध करण्यास वचनबद्ध आहे. जर तुम्हाला आमचा हा लेख आवडला असेल तर तुमच्या मित्र मंडळीपर्यंत WhatsApp किंवा Facebook च्या माध्यमातून नक्की शेअर करा. तसेच अयोग्यविषयक प्रकाशित / प्रसारित केलेली बातमी /लेख केवळ आपल्या माहितीसाठी असतो. कृपया त्यांच्याशी संबंधित कोणत्याही वापरापूर्वी एखाद्या तज्ञाचा सल्ला घ्या.
News Title: NCP president Sharad Pawar statement on newly formed union co operative ministry news updates.
