नवी दिल्ली, २६ ऑगस्ट : अभिनेता सुशांत सिंह राजपूत प्रकरणाला वेगळं वळण मिळालं आहे. या प्रकरणी ड्रग्जचा पुरवढा होत असल्याची माहिती मिळाल्याने Narcotics Control Bureau म्हणजे NCBने रिया विरुद्ध FIR दाखल केला असून त्यामुळे रिया चक्रवर्ती आणखी अडचणीत आली आहे. अभिनेता सुशांत सिंह राजपूत मृत्यू प्रकरणात अनेक धक्कादायक खुलासे होत आहेत. सीबीआय, ईडी आणि Narcotics Control Bureau, NCB या तपास संस्था या प्रकरणात चौकशी करत आहेत.

सुशांत सिंह आणि रिया चक्रवर्ती यांना ड्रग्जचा पुरवढा केला जात होता याचे पुरावे ईडी ला मिळाल्याचा दावा NCBचे संचालक राकेश अस्थाना यांनी केला आहे. त्यानंतर रिया विरुद्ध कलम 20, 22, 27, 29 NDPS Act नुसार गुन्हा दाखल करण्यात आला आहे. ईडीने NCBला पाठविलेल्या पत्रात ड्रग्ज संदर्भात पुरावे देण्यात आल्याची माहितीही अस्थाना यांनी दिली आहे. यामुळे आता NCB सुद्धा त्या अँगलने तपास करणार आहे.

रिया चक्रवर्तीचे काही व्हॉट्सऍप चॅट समोर आल्यामुळे या प्रकरणात ड्रग्जचा संशय समोर आला आहे. या व्हॉट्सऍप चॅटमध्ये ड्रग्जबाबत बोलणी होत असल्याची धक्कादायक माहिती समोर आली आहे. रिया ज्या मिरांडा सुशीसोबत चॅटिंग करत होती, तो दुसरा-तिसरा कोणी नसून सुशांतचा हाऊस मॅनेजर सॅम्युअल मिरांडा असल्याचं समोर येत आहे.

समोर आलेल्या या WhatsApp chatमध्ये रिया गौरवला एमडी म्हणजेच Methylenedioxymethamphetamine या अतिशय स्ट्राँग ड्रगविषयी विचारताना दिसत आहे. ‘आपण स्ट्राँग ड्रग्जविषयी सांगावं तर, मी कधी त्यांचा वापर केलेला नाही’, असं रियाचं २०१७ मधील बोलणं समोर आलं आहे. एमडीबाबत तुला काही ठाऊक आहे का, असंही तिनं विचारल्याचं कळत आहे.

 

News English Summary: The Narcotics Control Bureau (NCB) on Wednesday filed a criminal case against Rhea Chakraborty and others for their alleged dealings in banned drugs, officials said. They said various sections of the Narcotic Drugs and Psychotropic Substances Act (NDPS) have been pressed in the complaint filed by the federal anti-drugs agency on an official reference received from the Enforcement Directorate (ED).

News English Title: Bollywood Actor Sushant Singh Rajput death case narcotics control bureau registers a case News Latest Updates.

नार्कोटिक्स कंट्रोल ब्युरो’कडून रिया चक्रवर्ती विरुद्ध FIR दाखल | अटकेची शक्यता